(යොහාන් භාසුර)

වත්තල සහ අවට ප්‍රදේශ කීපයක හෙට (03) පෙරවරු 10.00 සිට පසුදින පෙරවරු 10.00 දක්වා පැය 24 ක කාලයක් ජල සැපයුම අත්හිටුවන බව ජලසම්පාදන හා ජලාපවහන මණ්ඩලය නිවේදනය කරයි.

මාබෝල, වත්තල මීගමුව පාරේ කොටසක්, වැලිකඩමුල්ල, අල්විස් නගරය, මරදාන පාර, පුවක්වත්ත පාර, කෙරවලපිටිය කොටසක්, ගලගහඩුව සහ හැඳල මාර්ගයේ නායකකන්ද හන්දිය දක්වා සියලුම මාර්ගවලට ජල සැපයුම අත්හිටුවයි.

හැඳල පාලම හරහා ජල නළ එළීම සහ එම නළ ප්‍රධාන මාර්ගයට සම්බන්ධ කිරීමේ ව්‍යාපෘතිය සඳහා මෙසේ ජල සැපයුම අත්හිටුවන බව ජලසම්පාදන හා ජලාපවහන මණ්ඩලය මණ්ඩලය පවසයි.