(වසන්ත චන්ද්‍රපාල)

අම්පාර සයින්දමර්දු ගම්මානයේදී බෝම්බ පුපුරුවාගෙන මියගිය සහාරන්ගේ සහෝදරයින්ගේ සිරුරු හෙට(07) අම්පාර පොදු සුසාන භුමියේදී නැවත ගොඩ ගැනීමට නියමිතව තිබේ.
 
අප්‍රේල් 26 වෙනි දින බෝම්බ පුපුරුවාගෙන මියගොස් සිටි මෙම පිරිසගේ සිරුරුවල කොටස් රස පරීක්ෂක කාර්යාලය වෙත යවා තිබිණි. ඉන් සාම්පල් හතරක් නරක් වී තිබීම නිසා සිරුරු ගොඩ ගෙන ශරීර කොටස් නැවත රස පරීක්ෂක වෙත යැවීමට කටයුතු කරන බව උසස් පොලිස් නිලධාරියෙක් පැවසීය.
 
බෝම්බකරුවන්ගේ මළසිරුරු ගොඩගැනීම සඳහා කල්මුනේ මහේස්ත්‍රාත් අධිකරණයෙන් නියෝගයක් ගෙන ඇති අතර, අම්පාර ප්‍රධාන මහේස්ත්‍රාත්වරයා ඉදිරියේ හෙට එය සිදුකිරීමට නියමිතය.
 
අම්පාර හිටපු අධිකරණ වෛද්‍ය නිලධාරී රුචිර නදීර මහතාගේ ප්‍රදානත්වයෙන් මෙම සාම්පල් ගැනීම සිදුකරන බව අම්පාර මහා රෝහලේ නියෝජ්‍ය අධ්‍යක්ෂක වෛද්‍ය රමේශ්  නානායක්කාර මහතා පැවසීය.