(වසන්ත චන්ද්‍රපාල)

රාජ්‍ය බුද්ධි අංශයේ අම්පාර කාර්යාලයට  ලැබුණු තොරතුරු මත ජාතික තව්හීත් ජමාත් සංවිධානයේ ක්‍රියාකාරී සාමාජිකයින් ලෙස කටයුතු කළ ජමාතේ මිල්ලතේ ඉබ්‍රාහිම් සංවිධානයේ  සාමාජිකයින් දෙදෙනෙකු අත්අඩංගුවට ගත් බව අම්පාර පොලිසිය පවසයි.

මෙම දෙදෙනා   නුවරඑළිය  කඳවුරුවල පුහුණු වී තිබෙන බව රාජ්‍ය බුද්ධි සේවාවේ නිලධාරීන් විසින් තහවුරු කරගන්නා ලදී.

මොහමදු සාහීර් මුහම්මදු අහ්සන් යන අය එක් සැකකරුවෙක් වෙන අතර ඔහු මුරුතගහමුල ගෙලිඔය නුවර පදිංචිකරුවෙකි.

මොහු සහරාන් විසින් නුවරඑළිය පැවැත්වූ පුහුණු කඳවුරට සහාභාගී වී ඇති අතර පුහුණුවෙන් පසුව අබු අමාරා යන අනුවර්ථ නාමය දී තිබේ.

මොහොමඩ් අවුතාන් අනිස් මොහොමඩ් යන අනෙත් සැකකරු ගාල්ල  පදිංචිකරුවෙකි.

මොහු ද සහාරන් විසින් නුවරඑළිය පැවැත්වු පුහුණු කඳවුරට සහාභාගී වී ඇති අතර පුහුණුවෙන් පසුව අබු සුබේහිර් යන නාමය ඔහුට ලබාදී තිබේ.

අම්පාර රාජ්‍ය බුද්ධි සේවයේ නිලධාරින්ගේ තොරතුරු අනුව මේ වන විට 15 දෙනෙකු අම්පාර කොට්ඨාස අපරාධ විමර්ශන ඒකකය මගින් අත්අඩංගුවට ගෙන තිබේ.