(නිමන්ති රණසිංහ)

නිරෝධායන නිති උල්ලංඝණය කර කොළඹ සුපිරි හෝටලයකදී උපන්දින සාදයට එක් වූ බව කියන තවත් හය දෙනකු අත් අඩංගුවට ගත් බව කොටුව පොලිසිය කියයි.

අත්අඩංගුවට ගත් එම පිරිස මේ වන විට කොළඹ ප‍්‍රධාන මහේස්ත‍්‍රාත්වරයා හමුවට ඉදිරිපත් කර තිබේ.

මෙම සැකකරුවන් අතර කාන්තාවක ද සිටින බව පොලිසිය කියයි.

නිරෝධායන නිති උල්ලංඝණය කරමින් ඉකුත් 30 වැනිදා රාතී‍්‍ර කොළඹ ෂැංගී‍්‍රලා හෝටලයේ පැවැති උපන් දින සාදයකට සහභාගී ව සිටි රූපලාවන්‍ය ශිල්පී චන්දිමාල් ජයසිංහ සහ මෝස්තර නිරූපන ශිල්පීණීයක වන පියුමි හංසමාලි යන අය එක් අයකුට රුපියල් ලක්ෂ 10 බැගින් වූ පුද්ගලික ඇප මත මිට පෙර මුදා හැරියේය.

(ඡායාරූප: ළහිරු හර්ෂණ)