(සුජිත් හේවාජුලිගේ සහ  අංජුල මහික වීරරත්න )

මහජන සාමය පවත්වාගෙන යාම සඳහා සන්නද්ධ හමුදා  දිවයින පුරා  කැඳවීමට ජනාධිපතිවරයා  විසින්  විශේෂ ආඥාවක් නිකුත් කරනු ලැබ  ඇතැයි කතානායක මහින්ද යාපා අබේවර්ධන මහතා පාර්ලිමේන්තුවට අද (22) දැනුම් දුන්නේය.

ජනාධිපතිවරයා  මෙම ආඥාව නිකුත් කර ඇත්තේ  40 වැනි අධිකාරියවූ මහජන ආරක්ෂක  පනතේ දොළොස් වැනි වගන්තියෙන් ඔහුට පැවරී ඇති බලතල ප්‍රකාරවය.

කතානායක මහින්ද යාපා අබේවර්ධන මහතා  සභාවේ කටයුතු   ආරම්භයේදී ජනාධිපතිවරයාගේ මෙම ආඥාව පිළිබඳව දැනුම් දුන්නේය.

පාර්ලිමේන්තුව කතානායක මහින්ද යාපා අබේවර්ධන  මහතාගේ ප්‍රධානත්වයෙන් අද  (22) පෙරවරු 10.00 ට රැස්විය.