2022 ජනවාරි මස 27 වන බ්රහස්පතින්දා
( තිළිණි ද සිල්වා )
පළාත් සභා මැතිවරණය වහාම පැවත්වීමට අදාළ පියවර ගැනීමට මැතිවරණ කොමිසමට නියෝගය කරන රිට් ආඥාවක් නිකුත් කරන ලෙස ඉල්ලා සත්‍ය ගවේෂකයෝ සංවිධානයේ සාමාජිකයින් පිරිසක් ශ්‍රේෂ්ඨාධිකරණය හමුවේ ගොනු කළ රිට් පෙත්සම සලකා බැලීම ලබන ජූනි 3 වැනිදා තෙක් කල් දැමීමට ශ්‍රේෂ්ඨාධිකරණය අද (2) නියෝග කළේය.
මෙම පෙත්සම බුවනෙක අලූවිහාරේ , එල්.ටී.බී දෙහිදෙණිය සහ ප‍්‍රීති පද්මන් සූරසේන යන ත‍්‍රිපුද්ගල ශ්‍රේෂ්ඨාධිකරණය හමුවේ කැඳවනු ලැබූ අතර එහිදී මෙම නියෝග ලබා දෙන ලදී.
සත්‍ය ගවේෂකයෝ සංවිධානයේ සාමාජිකයින් වන නීතීඥ දිනේෂ් සඳරුවන් ජයවීර මහතා ඇතුළු නම දෙනෙකු විසින් ගොනු කර ඇති මෙම පෙත්සමෙහි වගඋත්තරකරුවන් ලෙස මැතිවරණ කොමිසමේ සභාපති ඇතුළු සාමාජිකයින් නම් කරනු ලැබ ඇත.
නීතීඥ පේ‍්‍රමනාත් සී.දොළවත්ත මහතා විසින් ගොනු කර ඇති පෙත්සමේ මෙසේ ද සඳහන් වේ.
එබැවින් අදාළ වගඋත්තරකරුවන්ට නොතීසි නිකුත් කරන ලෙසද, පළාත් සභා මැතිවරණය පැවැත්වීමට අදාළ පියවර ගැනීම නියෝග කරමින් රිට් ආඥාවක් නිකුත් කරන ලෙසද පෙත්සම්කරු සිය පෙත්සමින් ඉල්ලා සිටී.
