සජබයේ ‘‘හුස්ම‘‘ කාසල් රෝහලට

(නිමල කොඩිතුවක්කු)

සමගි ජන බලවේගය විසින් ක්‍රියාත්මක "විපක්ෂයෙන් හුස්මක්" වැඩසටහනේ 'ජන සුවය' සමාජ සත්කාර වැඩසටහනෙහි 32 වන පියවර ලෙස රුපියල් ලක්ෂ හැත්තෑ හයක් වටිනා අත්‍යවශ්‍ය රෝහල් උපකරණ කොළඹ කාසල් වීදියේ කාන්තා රෝහලට පිරිනැමිණි.

සමගි ජනබලවේගයේ නායක සහ විපක්ෂ නායක සජිත් ප්‍රේමදාස මහතා එම අත්‍යවශ්‍ය රෝහල් උපකරණ තොගය කොළඹ කාසල් වීදියේ කාන්තා රෝහල් අධ්‍යක්ෂ, වෛද්‍ය ප්‍රදීප් විජේසිංහ මහතා වෙත බාර දුන්නේය.

කොරෝනා ව්‍යසනය හේතුකොටගෙන පීඩාවට පත් ජනතාවට සෞඛ්‍යමය සහන සලසනු සදහා මෙම වැඩසටහන ක්‍රියාත්මක කෙරේ.

විපක්ෂ නායක සජිත් ප්‍රේමදාස මහතාගේ මෑණියන් වන හිටපු ජනාධිපති ආර්යා හේමා ප්‍රේමදාස මැතිණියගේ 87වන ජන්ම දිනය සිහිපත් කරමින් මෙවර විපක්ෂයෙන් හුස්මක් වැඩ සටහන ක්‍රියාවට නංවා තිබිණ.

මීට පෙර අවස්ථා 31ක් තුල ලක්ෂ 896 ක රෝහල් උපකරණ ලබාදීමට සමගි ජනබලවේගය කටයුතු කළේය.

සමගි ජන බලවේගයේ මන්ත්‍රී කණ්ඩායම, සංවිධායකයින්, සාමාජිකයින්, සමගි ජන බලවේගයේ විදේශීය ශාඛා, දෙස් විදෙස් ආධාරකරුවන් සහ "ජනසුවය" ව්‍යාපෘතිය එක්ව "විපක්ෂයෙන් හුස්මක්" වැඩසටහන ක්‍රියාත්මක කෙරේ.

අදහස් (2)

සජබයේ ‘‘හුස්ම‘‘ කාසල් රෝහලට

fairoos Thursday, 28 October 2021 01:08 PM

මෙවැනි දේවල් අගය කළ යුතුයි. ඒකත් කකුලෙන් අදින්නේ නැතිව...

: 2 1

Raveendra Thursday, 28 October 2021 03:30 PM

රටේ මහජනතාවගේ පලප්‍රයෝජනය සඳහා කිසිවෙකු ගඩොල් කැටයක් හෝ තම ධන පරිත්‍යාගයෙන් දෙන්නේ නම් අප එය අගය කරන්නෙමු. එසේ අවංකව එය අගය කිරීමට කව්රුන් දුන්නේද යන්න අපට නම් අදාලම නැත. එබැවින් මෙම පරිත්‍යාගය සදහා නන් අයුරින් දායක වූ සැමට අපගේ ප්‍රණාමය සහ ඔබලාගේ සියලු පැතුම් ඉටුවේවා යන්න හදවතින්ම ප්‍රාර්ථනා කරන්නෙමු. එලෙසම මෙම අදහස්ද සඳහන් කරන්නේ ඉතාමත්ම සත්භාවයෙන් බවත් කිසිවෙකුට අපහාස කිරීමට නොවන බවත් කීමට කැමැත්තෙමු. "වැදගත් බුද්ධිමත්" මිනිසුන් කෙනෙකුට කුමක් හෝ උදව්වක් කරන්නේ ඉතාමත්ම නිහඬවයි. කෙටියෙන් සඳහන් කරනවා නම් දකුණු අතින් දුන් දෙය වම් අතටවත් දැනෙන්නට ඉඩ නොතබන බවයි. "පොදුවේ ගත්කළ අප රටේ දේශපාලුවන් සියලුම දෙනා" අනුගේ මුදල් තමන්ගේ මුදල් ලෙස පරිත්‍යාග කිරීමට උපන් හපන්නුන්ය. එය හරියටම මළගෙදරක ගොස් සිගරට්, බුලත්විට එකිනෙකාට බෙදනවා වැන්නකි...

: 0 3