(බිමල් ශ්‍යාමන් ජයසිංහ)
 
කොළඹ අපරාධ පරීක්ෂණ දෙපාර්තමේන්තුවේ අධ්‍යක්ෂක ජ්‍යෙෂ්ඨ පොලිස් අධිකාරී ශානි අබේසේකර මහතා කොටුව පොලිසියට පැමිණිල්ලක් කළ බව පොලිස් මාධ්‍ය ප්‍රකාශක පොලිස් අධිකාරී රුවන් ගුණසේකර මහතා පැවසීය.

නීතීඥ සංවිධාන ජාතික එකමුතුවේ සභාපති නීතීඥ මනෝජ් ගමගේ මහතා ප්‍රවෘත්ති සාකච්ඡාවකදී තමන්ට තර්ජනය කළ බව පවසමින් මෙම පැමිණිල්ල කර ඇත.
 
“කෝටි 90ක් තිබුණු වෛද්‍ය සාෆිට යහපාලන රජය වුණත් මිලදීගැනීමට බැරිකමක් නැහැ. ඒනිසා තමයි මේ නීතිය ක්‍රියාත්මක වෙන්නේ නැත්තේ. අපි ශානි අබේසේකර මහත්තයාට කියන්න කැමතියි මේ බලය කියන එක හැමදාම රැදෙන්නේ නැහැ. ඒනිසා ඔබතුමා ගන්න ඕනෑම ක්‍රියාමාර්ගයක් නීතියට අනුව ගන්න.
 
නීතියට ජිල්මාට් දමා සැකකාරයෝ නිදහස් කරන්න ලෑස්ති වෙන්න එපා. ඒවායේ ප්‍රතිඵලය ඔබතුමාට අනාගතයේ ජම්පරයක් ඇදගෙන විඳින්නට සිදුවෙයි කියලා අනතුරු ඇඟවීම ඔබතුමාට මතක් කරන්න කැමතියි” යැයි නීතීඥ ගමගේ මහතා විද්‍යුත් නාලිකාවක් හරහා කළ ප්‍රවෘත්ති සාකච්ඡාවකදී තර්ජනය කළ බව එම පැමිණිල්ලේ වැඩිදුරටත් සඳහන් වන බව මාධ්‍ය ප්‍රකාශකවරයා පැවසීය.
 
සිද්ධිය සම්බන්ධයෙන් කොටුව පොලිසිය පරීක්ෂණ පවත්වයි.