(මුදිතා දයානන්ද)
ඉදිරි මහමැතිවරණයේදි ශ්රී ලංකා පොදු ජන පෙරමුණ ඇතුළුව එයට සම්බන්ධ පක්ෂ තරග කරන්නේ පුටුව ලකුණින් යැයි පිවිතුරු හෙළ උරුමයේ නායක පාර්ලිමේන්තු මන්ත්රී උදය ගම්මන්පිල මහතා අද (03) පැවසීය.
ඔහු මේ බව සඳහන් කළේ පිටකෝට්ටේ පිහිටි පිවිතුරු හෙළ උරුමයේ ප්රධාන කාර්යාලයේදි පැවති මාධ්ය හමුවකදි ඉදිරි මහමැතිවරණයට තරග කරන්නේ කුමන ලකුණකින්දැයි මාධ්යවේදියෙකු නැගූ ප්රශ්නයකට පිළිතුරු දෙමිනි.
ශ්රී ලංකා පොදු ජන පෙරමුණට සහය දක්වන සෙසු පක්ෂ ඉදිරි මහමැතිවරණය එක් පුළුල් සන්ධානයක් ලෙස තරග කිරීමට ගිවිසුම් ගත වු බවද එහි එක් කොන්දේසියක් ලෙස පුටුව ලකුණින් තරග කිරිම ඇතුළත්ව තිබු බවද ගම්මන්පිල මහතා පැවසීය.
ශ්රී ලංකා පොදුජන පෙරමුණ මහමැතිවරණයට තරග කරන්නේද පොහොට්ටුව ලකුණෙන් යැයි පවසන්නේ මේ ගිවිසුම ගැන හරි අවබෝධයක් නැති හා වෙනත් පුද්ගලික ආසාවන් ඇති අය බවද ඔහු පැවසීය.
මෙලෙස විවිධ ප්රකාශ නිකුත් වීම වළක්වා ගැනීම සඳහා ශ්රි ලංකා පොදුජන පෙරමුණේ නායකත්වය විසින් ගිවිසුමේ එකඟතා පිළිබඳව තමන්ගේ සියලූ පාක්ෂිකයන් දැනුවත් කළ යුතුව ඇතැයිද ගම්මන්පිල මහතා වැඩිදුරටත් පැවසීය.
(ඡායාරූප - ජයමාල් චන්ද්රසිරි)
COMMENTS
මෙයාට කැබිනෙට් එකේ තැනක් දුන්නෙත් නැති එකේ....................
මේක පුටුව නෙවේ. අපි රජ වෙන සිංහාසනේ !
පොහොට්ටුවෙන් නෙමයි මොකෙන් ආවත් ඔයාට නම් දෙන්නෙම නැහැ නැහැමයි. ඒ නිසා තියෙන දෙයක් කාලා වෙන දෙයක් බලාගෙන අර මදුත් එක්ක කරන දෙයක් කරගෙන පාඩුවේ ඉන්නවාද ? මිනිස්සු ඡන්දේ දුන්නේ ගෝඨාභය මහතාට මිසක් ඔබලාට නෙවෙයි. ඔබලා කවුද අපිට ? මේ රටේ කිසිවෙක් ඔයාලව ගණන් ගන්නේ නැහැ. ඒ නිසා අපිට පව් නොදී පැත්තකට වෙලා ඉන්න.
බහුතර මහජන මතයකින් පත්වු ජනාධිපතිවරයා නිසිලෙස කාරණා කටයුතු අධ්යයනය කරමින්ම නිසි සැලසුමකට අනුව කටයුතු කරන්නට සැලසෙන විට කටමැත දොඩන මෙවැන්නන්ගෙන් වෙන්නේ හානියක්ම පමණක් මිස සුගතියක් නොවේ.
පොදුජන පෙරමුණේ තීන්දු ,තීරණ කරන්න තමුන් මහ කෙරුමෙක්ද? එක්කෙනෙක් නම් කිව්වා තරග කරන්නෙ පොහොට්ටුවෙන් කියලා. අන්තිමට මෙයාටත් හොට බිම ඇනගන්න තමා වෙන්නෙ.
පුටුවෙන් ගියොත් අර ලොකු නෝනා අයිතිය කියයි. මට මතක හැටියට එතුමියගේ කාලේ තමයි පුටුව ලකුණ දාලා පොදුජන එක්සත් පෙරමුණ කියල එකක් හැදුවේ. මේ අය පොදුජන පෙරමුණේ ලකුණ පිළිබද බල නොකළ යුතුයි. ඔවුන් ලකුණ තෝරා ගත්තාවේ. මොවුන්ට පුළුවන් පොදුජන පෙරමුණ ලකුණින් තරග කළොත් පාර්ලිමේන්තු යන්න. ඇමති කමක් ගන්න. නැත්නම් පරාජය උරුමයි.
අපේ අනාගත ජනාධිපති.......
ඔබතුමා නිකන්ම නිකන් පාර්ලිමේන්තු මන්ත්රීනේ.. ඔබට වඩා ඉහළ තනතුරු දරණ සහ රටේ නායකයන්ගේ පිලිගැනීම තියෙන ඇමතිවරු වගේම රාජ්ය ඇමතිවරු නම් කියන්නේ පොහොට්ටුවේන් ඉල්ලන්නේ කියලා. ඔබතුමා වගේ කනිෂ්ඨයෙක් කියන ඒවා කවුද අනේ පිලිගන්නේ. ඊලග පාර ඔබතුමාට ටිකට් එකත් ලැබෙන එකක් නෑ වගේ.