වැලිකඩ බන්ධනාගාර සිරකරුවන් දෙදෙනකු විරෝධතාවයක

වැලිකඩ බන්ධනාගාරයේ සිරකරුවන් දෙදෙනකු බන්ධනාගාර ගොඩනැගිල්ලක් මත නැග අද (11) විරෝධතාවක නිරතවූහ.

2005 වර්ෂයේ රාජගිරිය රෝයල් පාර්ක් නිවාස සංකීර්ණයේ දී ස්විඩන් ජාතික ඉවොන් ජොන්සන් නැමැති 19 හැවිරිදි තරුණිය ඝාතනය කිරිමේ චෝදනාවට මරණ දඬුවම නියම වූ වරදකරු නිදහස් කිරිමට විරෝධය පළ කරමින් මෙම සිරකරුවන් දෙදෙනා මෙලෙස විරෝධිතාවයේ නිරත විය.

එලෙස මරණ දඬුවම නියම වී ජනපති සමාව ලබා නිදහස් වූයේ ජුඩ් ශ්‍රමන්ත ජයමහ නැමැත්තා වේ.

ඡායාරූප - චතුර එස් .කොඩිකාර

අදහස් (9)

වැලිකඩ බන්ධනාගාර සිරකරුවන් දෙදෙනකු විරෝධතාවයක

Danesh Wijethunga Monday, 11 November 2019 09:53 AM

සමාව දෙන්නම ඕනෑ නම් රට, ජාතිය වෙනුවෙන් වැඩ කරපු යුද විරුවන්ට... දෙන්නකෝ...!!!

: 150 70

GuneMonday, 11 November 2019 10:31 AM

ඔබ කියන්නේ හිරේ දාපු ෆොන්සේකා නමැති යුදවිරුවා ගැන නම් ඔහුට නිදහස දීලයි තියෙන්නේ. ඔබ කියන්නේ රටේ පොදු නීතිය කඩලා අපරාධවලට හිරේ ගිය අය ගැන නම් ඒ යුද විරුවෝ කවුද කියලා අපටත් දැනගන්න කියන්නකෝ...

: 92 203

senaMonday, 11 November 2019 10:32 AM

විජේතුංග මහත්තයා මේ මොනවා ලියනවද මන්දා.. ඒ උදවිය ගාව මොනවද තියෙන්නේ?

: 1 4

Upul Monday, 11 November 2019 10:03 AM

අරයා හිටියා නම් මරණ දඬුවම දෙන්න තිබ්බා.. මේ දෙන්නට.. නේද?

: 9 46

Mahee Monday, 11 November 2019 10:17 AM

මරණ දඬුවම් හිමි සිරකරුවකු සමාවදී නිදහස් කිරීමට ජනාධිපතිට නීතිමය බලයක් තිබෙන බව ඇත්ත... නමුත් වෙනස් ලෙස සැලකීම කියන සංකල්පය මත දැනටමත් මත්ද්‍රව්‍ය සිරකරුවන් පමණක් එල්ලා මැරීම අධිකරණයේ අභියෝගයට ලක්වී තිබෙනවා. මේ ඒකෙ අනික් පැත්ත. "යුක්තිය ඉෂ්ට කිරීම පමණක් නොසෑහේ, ඉෂ්ට කළ බව පෙනෙන්නටත් තිබිය යුතුයි" කියලා එංගලන්තේ අගවිනිසුරුවරයෙක් අවුරුදු 100කට කලින් කියූ දේ අදත් අපේ අධිකරණවල වලංගුයි...

: 0 17

සංජීව Monday, 11 November 2019 10:43 AM

ඕවා කරාට වැඩක් නෑ. සමාව ගන්න නම් එක්කෝ කෝටිපති තාත්තා කෙනෙක් හොයාගන්න. නැත්තම් ටීවී චැනල් එකක් තියෙන අයියා කෙනෙක් හොයාගන්න.

: 0 130

Amila Monday, 11 November 2019 11:06 AM

රෝයල් පාර්ක් මිනීමරුවා නිදහස් කරේ සල්ලිවලටද? එසේ නම් අනිත් මිනීමරුවන්ටද සල්ලි ගෙවා එළියට එන්න ඉඩ දෙන්න ඕනෑ.

: 0 62

Achini Monday, 11 November 2019 12:31 PM

සල්ලි කාරයන්ට විතරයි ඔය සැලකිලි... ඔය කට්ටිය පල්ලෙහාට බහින්න.

: 0 5

sirimal Monday, 11 November 2019 12:39 PM

මේ පිළිබඳව ජනාධිපති මාධ්‍ය ඒකකය මඟින් නිකුත් කර ඇති නිවේදනයක "පාර්ලිමේන්තු මන්ත්‍රී පූජ්‍ය අතුරලියේ රතන හිමියන්, පූජ්‍ය බද්දේගම සමිත හිමියන් සහ පූජ්‍ය ආචාර්ය කේ. පුඤ්ඤරතන නාහිමියන්ගේ ඉල්ලීම් සලකා බලා" මෙම තීරණය ගන්නා ලද බව සඳහන් වෙනවා. "මෙම සිද්ධිය වූ කාලයේ වරදකරුවා අවුරුදු 19 ක තරුණයෙක් නිසාත් ඉන්පසු කාලය තුළ ඔහු ඉතා යහපත් කල්කිරියාවෙන් කටයුතු කළ බුද්ධිමත් තරුණයෙක් නිසාත් ජනාධිපති සමාවදීමට සුදුසු බවට උන්වහන්සේලා ලිඛිතව කල ඉල්ලීම් සලකා බලන ලද" බවද එහි සඳහන් වෙනවා.

: 0 37