(අනීෂා මානගේ)
වීරකැටිය බැදිගම ප්රදේශයේ දී දක්ෂිණ අධිවේගී මාර්ගය අවහිර කරමින් අද (17) ප්රදේශවාසීහු පිරිසක් විරෝධතාවක නිරත වූහ.
දක්ෂිණ අධිවේගී මාර්ගය ඉදිකිරීමේ දී පවරා ගත් ඉඩම්වලට වන්දි ලබා නොදීම, නිවාසවලට ප්රවේශ මාර්ග අවහිර වීම, අධික දුහුවිල්ල පැවතීම ඇතුළු අපහසුතා රැසක් ඇති බව කියමින් ගම්වාසීහු මෙලෙස විරෝධතාවයේ නිරත වූහ.
වීරකැටිය මැදගොඩ සහ මල්බෙරිම ගම්වාසීහු පිරිසක් මෙම විරෝධතාවට එක්ව සිටි අතර මොවුන් පැය එකහමාරක පමණ කාලයක් දක්ෂිණ අධිවේගී මාර්ගය බැදිගම ගුවන් පාලම අසලින් අවහිර කළහ.
දක්ෂිණ අධිවේගී මාර්ගය ඉදිකිරීම සඳහා පවරාගත් ඉඩම් වෙනුවට වන්දි සහ පොලී මුදල් ලබා නොදීම, බර වාහන ධාවනය කිරීම හේතුවෙන් ඇතිවන දුහුවිල්ල නිසා අවට නිවෙස්වල වාසය කිරීමට අපහසු වීම, වසර 5 කින් පමණ දුහුවිලි බද්ද නොගෙවීම, ඇතැම් නිවාසවල ප්රවේශ මාර්ග අවහිර වීම ආදී ගැටළු රාශියක් හේතුවෙන් මොවුහු මෙලෙස විරෝධතාවයේ නිරත වූහ.
විරෝධතාකරුවෝ දක්ෂිණ අධිවේගී මාර්ගයේ මංතීරු හතර ටයර් සහ ගල් යොදා අවහිර කළ අතර මාර්ග සංවර්ධන අධිකාරියේ සහ දක්ෂිණ අධිවේගී මාර්ග වැඩබිම්වල වාහන ධාවනය කිරීමට ඉඩ නොදුන්හ.
ශ්රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර
ශ්රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික
එදා මෙදාතුර ශ්රී ලාංකීය දේපල වෙළදාම් ක්ෂේත්රයේ දැවැන්තම සහ අති සුඛෝපභෝගී නිවාස සංකීර්ණ ව්යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
වීරකැටියේ ගම්මු දක්ෂිණ අධිවේගය අවහිර කරති
දිමුත් Monday, 17 February 2020 06:46 AM
ඕං මිනිස්සු ගැන හිතලා සංවර්ධනේ කරන හැටි.........................
Pisaa Monday, 17 February 2020 07:31 AM
ගෝඨා මහත්තයා ගිහිල්ලා මේක ඉවර කරලා දාන්න.
Pradeep Monday, 17 February 2020 08:02 AM
රටක සංවර්ධන ක්රියාවලි යනු අත්යවශ්ය කාරණාවකි. නමුත් සාමාන්ය වැසියන්ට හිංසා පීඩා වන අයුරින් කරනා සංවර්ධනයේ පලක් තියේවිද. ඔවුන්ගේ ගැටළු සැබෑ අයුරින් නොදැක ඔවුන්ට එරෙහිව හඩක් නැගීම නොවටී..