IMG-LOGO

2024 ජුලි මස 14 වන ඉරිදා


විදුලි බල මණ්ඩලය දුප්පත්කම වැඩි කරනවා

(ආරියරත්න රණබාහු)

ලංකා විදුලි බල මණ්ඩලය, ජාතික ජල සම්පාදන හා ජලාපවහන මණ්ඩලය, ඛනිජ තෙල් සංස්ථාව සහ ශ්‍රීලංකන් ගුවන් සේවය යන ආයතන මේ රටේ දුප්පත්කම වැඩි කරන ආයතන අතර ඉදිරියෙන්ම සිටින බව ජනාධිපති මෛත‍්‍රීපාල සිරිසේන මහතා කොළඹ දී අද (8) පැවසීය.

මොන ආණ්ඩුව ආවත්, කවුරුන් බලයට පත්වුණත්, කවුරුන් ජනාධිපති වුවත්, මේ රටේ දුගීභාවය ඇති කරන ප‍්‍රධාන ආයතන මේවා බව සිහි තබා ගත යුතු බව කී ජනාධිපතිවරයා මේ තත්ත්වයෙන් රට බේරා ගැනීම සඳහා දෙවියන් වහන්සේ කවුරුන් හෝ කෙනෙක් එවනු ඇතැයි ද විශ්වාසය පළ කළේය.

ජනාධිපතිවරයා මෙම අදහස් පළ කළේ කොළඹ බණ්ඩාරනායක අනුස්මරණ සම්මන්ත‍්‍රණ ශාලාවේ අද (8) පස්වරුවේ පැවති රූබන් වික‍්‍රමාරච්චි මහතා විසින් රචිත විදුලි පුරාණය ග‍්‍රන්ථය එළිදැක්වීමේ උළෙලේ දීය.

එහිදී ජනාධිපතිවරයා මෙසේ ද කීය.

පසුගිය අවුරුදු තිහ හතළිහක් ගත්තොත් ඔළුව කැක්කුම හැදෙන ආයතන කිහිපයක් මේ රටේ තියෙනවා.

එකක් තමයි විදුලිබල මණ්ඩලය. ඊළඟට ඛනිජ තෙල් නීතිගත සංස්ථාව, ජල සම්පාදන මණ්ඩලය, ශ්‍රීලංකන් ගුවන්සේවය. තව කියන්න තියෙනවා කාලය මදි නිසා කියන්නේ නැහැ.

ශ්‍රීලංකන් ගුවන් සේවයේ අලාභය බිලියන 144යි. 2019 මුල්භාගයේ විදුලි බල මණ්ඩලයේ පාඩුව බිලියන 89යි. දැන් මේකට පශ්චාත් මරණ පරීක්‍ෂණයක් තියෙනවා නම් ඒකට අවශ්‍ය විශේෂඥ වෛද්‍යවරු හොයාගන්න වෙන්නෙත් මේ ක්ෂේත‍්‍රයෙන්මයි. මම දේශපාලනඥයෙක් මිස ඉංජිනේරුවරයෙක් නොවෙයි. ඒ නිසා ඒ ගොල්ලන්ගෙන් තමයි මේවා ගැන දැන ගන්න වෙන්නේ.

විදුලි බල මණ්ඩලයේ මේ පාඩුව අද ඊයේ සිදුවූ ඒවා නොවෙයි. ජාතික විදුලිබල පද්ධතියේ විදුලි බල ප‍්‍රමාණය රටට ප‍්‍රමාණවත් නොවන නිසා පුද්ගලික අංශයේ සමාගම්වලින් විදුලිය මිල දී ගැනීමට සිදු වෙනවා. ඒ සඳහා යන ගණන් මිනුම් මම කියන්නේ නැහැ.

මේ හා බැඳුණු තව ආයතනයක් තියෙනවා. මම ඒක කියන්නම් මට නඩු දැම්මට කමක් නැහැ. මම ඉන්නේ තව දවස දහයයි. නඩු දාන්න වෙන්නේ හිටපු ජනාධිපතිට කියලා.

ඒ ආයතනය තමයි මහජන උපයෝගීතා කොමිසම, ඒ කොමිසම විදුලිබල මණ්ඩලයට නිදහසේ තීන්දු ගන්න දෙන්නේ නැහැ. ඒ කොමිසම තමයි තීන්දු කරන්නේ පුද්ගලික අංශයෙන් මිලදී ගන්නා විදුලි ඒකකයක මිල ගණන්. ඒ ගොල්ල අතේ තමයි පාලනය තියෙන්නේ.

පසුගිය අවුරුදු දෙකේ දී මේ කොමිසම විසුරුවා හරින්න උත්සාහ කළා. නමුත් ඒක ජනාධිපතිටත් බැරි වුණා. අගමැතිටත් බැරි වුණා. කැබිනට් මණ්ඩලයටත් බැරි වුණා.

මේ කියන කොමිසමේ අධ්‍යක්‍ෂ ජෙනරාල්ට එන්න කියලා අපි කිව්වා කරුණාකර අස්වෙලා යන්න කියලා. ඒත් ගියේ නැහැ. ඔහු මාස දෙක තුනකට සැරයක් ලෝකේ වටේ රවුමක් දෙකක් යනවා. ඒ යන විදියත් අපි දන්නවා.

විදුලිබල මණ්ඩලය අද යම් කිසි පාඩුවක් ලබනවා නම් ඒකෙන් බේරෙන්න බැරි ආයතනය තමයි මහජන උපයෝගීතා කොමිසම.

විදුලි බල පුරාණය පොත ලිව්වා වගේ දැන් ලියන්න  ඕන, විදුලිබල මණ්ඩලය ගොඩ යන්නේ කොහොමද කියලා. විදුලි බල මණ්ඩලය රටටම ආලෝකය දුන්නත් මණ්ඩලය අඳුරේ.

විදුලිබල මණ්ඩලය, ජලසම්පාදන, ඛනිජ තෙල් සංස්ථාව සහ ශ්‍රීලංකන් ගුවන් සේවය කියන මේ ආයතන තමයි මේ රටේ දුප්පත්කම වැඩි කරන්නේ. මොන ආණ්ඩුව ආවත්, කවුරු බලයට පත්වුණත්, කවුරු ජනාධිපති වුණත් මේ රටේ දුගීභාවය ඇති කරන ප‍්‍රධාන ආයතන මේවායි.

ඒනිසා ආණ්ඩුවක් විදියට මේ ආයතනවලින් රට ගොඩගැනීමට තීන්දු තීරණ ගත යුතුයි. ත‍්‍රස්තවාදයෙන් රට බේරා ගැනීමට වඩා මේ ආයතනවලින් රට බේරා ගැනීම අමාරුයි.

දුප්පත්කමින් රට බේරා ගැනීම සඳහා මා කියූ ආයතන ඇතුළු විදුලිබල මණ්ඩලය ගොඩගැනීමට දෙවියන් වහන්සේ කවුරු හරි කෙනෙක් එවාවි යැයි ජනාධිපතිවරයා කීය.



අදහස් (0)

විදුලි බල මණ්ඩලය දුප්පත්කම වැඩි කරනවා

ඔබේ අදහස් එවන්න

මාධ්‍ය හමුව

මත්තලින් රට රැකියාවලට යන අයට වට්ටම්
2020 සැප්තැම්බර් මස 17 411 0

මත්තල රාජපක්ෂ ජාත්‍යන්තර ගුවන් තොටුපළින් විදේශ රැකියා සදහා පිටව යන ශ්‍රී ලාංකිකයන්ට ඉදිරියේ දී වට්ටම් ලබා දීමට රජය සුදානම් යැයි සංචාරක අමාත්‍ය ප්‍ර


සමගි ජන බලවේගයේ ශාඛා සමිති ශක්තිමත් කිරීමේ වැඩපිළිවෙළක් සතිඅන්තයේදී
2020 සැප්තැම්බර් මස 16 328 0

පක්ෂයේ සංවිධාන ජාලය සහ ශාඛා සමිති ශක්තිමත් කරගැනීමේ දීප ව්‍යාප්ත වැඩපිළිවෙළක් මේ සති අන්තයේ සිට ආරම්භ කිරීමට සමගි ජනබලවේගය තීරණය කර තිබේ.


‘ජනතාවගේ අවශ්‍යතා ඉටු කරනවා වෙනුවට ආණ්ඩුව රටේ නීති රීති වෙනස් කරනවා‘
2020 සැප්තැම්බර් මස 15 315 0

තම අභිමතාර්ථ ඉටුකරගැනීම වෙනුවෙන් පැය 24 ක් තුළ ව්‍යවස්ථා කෙටුම්පතක් ඉදිරිපත් කර ඇති ආණ්ඩුවට ජනතා අවශ්‍යතා වෙනුවෙන් මාස දහයක් තුළ කිසිවක් ඉටුකර ගැනීමට


’විධායකයේ බලතල කප්පාදුවට අත එසවූ පිරිස් 20 ශක්තිමත් කරන්න අත ඔසවනවා’
2020 සැප්තැම්බර් මස 03 1441 7

විධායක ජනාධිපති ධූරයේ බලතල සීමාකර ප්‍රජාතන්ත්‍රවාදයත් පාර්ලිමේන්තුවත් ශක්තිමත් කිරීමට 19 වන සංශෝධනයට අත එස වූ පිරිස පාර්ලිමේන්තුවත් ප්‍රජාතන්ත්‍රව


‘ආණ්ඩුව ජනතා අභිලාෂයන්ට පයින් ගසලා’
2020 අගෝස්තු මස 24 336 0

තුනෙන් දෙකේ බලය පාවිච්චි කර ජනතාවගේ යහපත් අපේක්ෂාවන් ඉටු කරනවා වෙනුවට වර්තමාන ආණ්ඩුව පළවෙනි කැබිනට් මණ්ඩලයේ දීම 19 වන ව්‍යවස්ථා සංශෝධනය විසිකර දමා ජනත


වසර 30 ක සේවය අයගමින් සිහිසුන් රෝගියා ගෙදර එවයි
2020 අගෝස්තු මස 23 261 0

සෞදි අරාබියේ වසර 30කට ආසන්න කාලයක් සේවය කරමින් සිටියදී මීට මාස දෙකකට පමණ පෙරදී රෝගාතුරවී සිහිසුන් තත්ත්වයෙන් එරට පෞද්ගලික රෝහලක ප්‍රතිකාර ලබමින් සිටි


මේවාටත් කැමතිවනු ඇති

වැලිබල් ෆිනෑන්ස්, ශක්තිමත් මූල්‍ය ප‍්‍රතිඵලයක් වාර්තා කරයි 2024 ජුලි මස 13 10 0
වැලිබල් ෆිනෑන්ස්, ශක්තිමත් මූල්‍ය ප‍්‍රතිඵලයක් වාර්තා කරයි

වැලිබල් ෆිනෑන්ස් ගෙවුණු වසර 17ක කාලය පුරාවට ශ‍්‍රී ලංකාවේ මූල්‍ය ආයතනයන් අතර ප‍්‍රමුඛස්ථානයක් හිමි කර ගනිමින් 2023/24 මූල්‍ය වර්ෂයේදී සිය මූල්‍ය විශිෂ්ටත

ශ්‍රී පාද අඩවිය සුපිරිසිදු කරන්නට සියපත ෆිනෑන්ස් වෙතින් “නැමදුමෙන් පසු ඇමදුම” 2024 ජුනි මස 20 912 0
ශ්‍රී පාද අඩවිය සුපිරිසිදු කරන්නට සියපත ෆිනෑන්ස් වෙතින් “නැමදුමෙන් පසු ඇමදුම”

බුදුරජාණන්වහන්සේගේ, ශිව දෙවියන්ගේ, ආදම්ගේ සහ ශාන්ත තෝමස් අපෝස්තුළුතුමාගේ පා සටහන යනාදී වශයෙන් විවිධ ආගමික සම්ප්‍රදායන් මුල් කරගනිමින් ශ්‍රී පාද ස්ථ

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 1789 1
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

Our Group Site