IMG-LOGO

විදුලි දුම්රිය ව්‍යාපෘතියට අනුමැතිය දෙන්න කොමිස් මුදලක් ඉල්ලී යැයි පරීක්ෂණයක්

(බිඟුන් මේනක ගමගේ)
 
අධිවේගී විදුලි දුම්රිය නිෂ්පාදනය කිරීමේ ආයෝජන ව්‍යාපෘතියකට අනුමැතිය ලබාදීම වෙනුවෙන් රාජ්‍ය ඇමැතිවරයකු විසින් විදේශීය ආයෝජකයකුගෙන් කොමිස් මුදලක් ඉල්ලුවේ යැයි කියන සිද්ධිය සම්බන්ධයෙන් අල්ලස් හෝ දූෂණ චෝදනා විමර්ශන කොමිසම අදාළ ආයෝජනයේ දේශීය නියෝජිතයා වන සීමාසහිත සිලෝන් හයිස්පීඞ් රේල්වේ සමාගමේ කළමණාකාර අධ්‍යක්ෂවරුන් කැඳවා ඊට අදාළ තොරතුරු ලබා ගෙන ඇත. 
 
සිය ආයෝජන ව්‍යාපෘතියට අදාළව ලංකා ආයෝජන මණ්ඩලයට සැපයූ ආයෝජන යෝජනාව, මූලික සැලසුම්, නිෂ්පාදන ක්‍රියාවලිය, ජනාධිපති මෛත්‍රිපාල සිරිසේන මහතාට කළ පැමිණිලිවල පිටපත් ආදිය මෙසේ අල්ලස් කොමිසමට ලබා දුන් බව සීමාසහිත සිලෝන් හයිස්පීඞ් රේල්වේ සමාගමේ කළමණාකාර අධ්‍යක්ෂ නිකලස් ශ්‍රීමාල් මහතා ‘ලංකාදීප’ යට පැවසීය.
 
අධිවේගී විදුලි දුම්රිය නිෂ්පාදනය කිරීමේ ව්‍යාපෘතියට මතු වූ බාධාකිරීම් සම්බන්ධයෙන් සීමාසහිත සිලෝන් හයිස්පීඞ් රේල්වේ සමාගම ජනාධිපතිවරයාට පැමිණිලි කළ අතර ජනාධිපතිවරයා විසින් ඒ ගැන අල්ලස් හෝ දූෂණ චෝදනා විමර්ශන කොමිසම දැනුම්වත් කරනු ලැබිණි.
 
මෙම විමර්ශනය සිදුවන්නේ ඒ අනුවය.  

 



අදහස් (18)

විදුලි දුම්රිය ව්‍යාපෘතියට අනුමැතිය දෙන්න කොමිස් මුදලක් ඉල්ලී යැයි පරීක්ෂණයක්

thushara Monday, 22 October 2018 10:55 AM

අනේ සුජී ඔය ෆෝන් එක දෙන්න ළමයෙකුට

:       149       74

pawan Monday, 22 October 2018 11:35 AM

මේ නියෝජ්‍ය ඇමති වරයා හිතනවා ඇති ඔහු කරන පැහැදිලි කිරීම් පිලිගන්න ජනතාව හරක් කියල. කලිනුත් ලක්ෂ තිස්පහක් අරගෙන බැදුම්කරේ හොරකමක් නෙවෙයි කියල පොතක් ලිව්වා. පස්සේ කියනවා ඒක මගේ සපෝටර් කෙනෙක් අරගෙන මාරු කරලා තියෙන්නේ මම නම් දන්නේ නැහැ කියලා. දැන් කියනවා මේ ව්‍යාපෘතියෙන් කොමිස් මුදල් ඉල්ලුවේ නැතිලු. ඒ සමාගමට මොලේ අමාරුවක් ඇති නිකම් කියන්න. විරුද්ධ පැත්තේ දේශපාලකයෙක් කිව්වනම් හිතන්න පුළුවන් මඩ ගහන්න කියනවා කියල. දැන් අපට හිතාගන්න පුළුවන් ඔය කව්රු කවුරුත් ඇමතිකම් අරගෙන ගහන ගැහිලි. මුන් දෙගොල්ලොම පරම්පරා ගානකට ජනතා මුදල් ගසා කාල ඉවරයි.

:       717       1125

සතයපාල Monday, 22 October 2018 11:41 AM

අපි පරම්පරාවෙන්ම සල්ලි කාරයෝ අපේ තාත්තට බෙන්ස් කාර් තිබුණා අපි ඉස්කෝලේ ගියේ ඒකෙන් අපිට හොරකම් කරන්න ඕනා නැහැ පොඩියට කොමිස් පාරක් ලැබුණා නම් හරි මහා බැංකු ගේම් එකෙන් වගේ.

:       516       288

naradha Monday, 22 October 2018 11:51 AM

ඇමතිවරයා විදේශ අයෝජකයගෙන් කොමිස් ඉල්ලා සිටියා නම් ඒ ඇමතිවරයාට දඬුවම් කළ යුතුයි... ලංකාවට විදේශ අයෝජකයින් නොපැමිණීමට ප්‍රධාන හේතුවක් නම් දේශපාලකයින්ගේ අල්ලස් ඉල්ලීමයි. මේ දේශපාලකයින් විසින් ව්‍යාපෘති සඳහා අල්ලස් ඉල්ලන හිඟන සංස්කෘතිය මේ රටින් තුරන් කළ යුතුයි. එමෙන්ම, යුරෝ බිලියන 5 ක ආයෝජනයක් යයි කියන සිලෝන් හයිස්පීඞ් රේල්වේ සමාගමේ විශ්වාසනීයත්වය ගැනත් සොයා බැලිය යුතුයි.

:       8       126

Hafeel Monday, 22 October 2018 11:53 AM

දැන් අර මිනිහට හාර්ට් ඇටෑක් එ්වි... අම්මා කිව්වා වගේ කොමිස් එක අරන් දේශපාලනයෙන් අයින් වෙන්න ඉඩ දෙන්න.

:       357       88

daya Monday, 22 October 2018 01:03 PM

මේ ලිපියේ තියන විස්තරය අනුව මේ කොමිස් ඉල්ලීම පිළිබඳව අල්ලස් හෝ දූෂණ කොමිසමට කියලා තියෙන්නේ රටේ ජනාධිපතිවරයා. එ්ක හොඳ ප්‍රවනතාවක්. අල්ලස, දූෂණය නැති කරන්න අවංකවම වුවමනාවක් තියනවා නම් ජනාධිපතිවරයා කෙලින් සිටිය යුතු අතරම ක්‍රියාවෙන් තමන්ද දූෂිත නොවිය යුතුය... කිසිමවිටක තම වන්දිභට්ටකම් කරන ඇමැතිවරුන් හෝ නිලධාරීන් කරන හොරකම් දිහා බලන්ඉන්නේ නැතුව වහාම දඬුවම් කළයුතුය. ගෝඨාභය මහතා ගැන යම් විශ්වාසයක් තිබුණත් මහින්ද මහතා නැවත බලය ඉල්ලන්නේ නම් මේ ප්‍රතිඥාව ජනතාව හමුවේ තැබිය යුතුය.

:       0       127

Lal Monday, 22 October 2018 01:08 PM

කථාව නම් දෝලාවෙන්.

:       0       0

casmir Monday, 22 October 2018 01:29 PM

කාට හරි කියන්න පුළුවන්ද දේශපාලනයේ පිරිසිදු එක චරිතයක් හරි ලංකාවේ පාර්ලිමේන්තුවේ ඉන්නවා කියලා... ගොඩක්ම දේශපාලනයෙන් හම්බ කරපු අය අරන් තියෙන්නේ නැව් සහ වෙන රටවල දේපල... දේශපාලනයේ ඉන්න ප්‍රසිද්ධ හොරුන්ට වැඩිය ගොඩක් දරුණු අහිංසක හොරු... රටේම සල්ලි චොමිස්වලින් අරගෙන වැදගත් විදියට ඉන්නවා...

:       0       101

Perakum Monday, 22 October 2018 02:03 PM

ඇයි දෙයියනේ මෙච්චර ලස්සනට තිබුණු අපේ රට කාබාසිනියා කරන කාලකන්නි නරුම රැලකට අපි නැවත නැවතත් බලය දෙන්නේ...? අපේ මිනිස්සුන්ට මොලේ කලඳක්වත් නැද්ද රටට ආදරය කරන පාලකයින් පිරිසකට බලය ලබා දෙන්න...?

:       0       69

OMGMonday, 22 October 2018 03:03 PM

ඔබට පුලුවන්ද හොයලා දෙන්න. එක හරියට නොමල ගෙයකින් අබ ඇටයක් ඉල්ලනවා වගේ... දුශිතයෝ ඉවත් කලාම එන්නෙත් දුශිත්යෝම තමා.

:       0       0

ranjithMonday, 22 October 2018 03:46 PM

එහෙම සැබවින්ම රටට ආදරය කරන කට්ටියක් ලංකාවේ ඉන්නවද? සමහරවිට ඔය කියන්නේ අර යූ.එන්.පී. යයත් සමග යටින් කකුල් මාට්ටු දාගෙන ඉන්න රතු මල්ලිලා ගැනද දන්නේ නැහැ. ඔය කියන විදියට ඒ ගොල්ලන්ට බලය දුන්නොත් අර මොන ගෑනිදෝ දීල මොන ගෑනිදෝ ගත්තා වගේ තියේවි.

:       0       0

BamunuarachchiTuesday, 23 October 2018 04:00 AM

අනේ කියන්නකෝ කවුද ඒගොල්ලෝ කියලා. මම හෙටම ඒගොල්ලන්ට ඡන්දය දෙනවා.

:       0       0

OMG Monday, 22 October 2018 03:06 PM

පැහැදිලි දඩුවමක් නැතුව මේ කිසිම දෙකින් අපිට ගොඩ එන්න බැහැ.

:       0       0

ROHAN DAYADARA Paris Monday, 22 October 2018 03:21 PM

රටට මේ කරන විනාශයන් නතර කරන්න නම් ගරු ජනාධිපති තුමා ගරු අගමැති තුමා තරාතිරම නොබලා දැඩි දඩුවම් දිය යුතුයි... එවිට ඉදිරියට මෙවැනි දුෂණ සම්පුර්ණයෙන් නතරකරගත නොහැකි වුවත් පාලනය කරගත් හැක.

:       0       0

ET Monday, 22 October 2018 08:52 PM

මෙම සමාගම ආයෝජන මංඩලයට එවා ඇති අයදුම්පත බැලුවහම තේරෙයි මේක අසම්පූර්ණ අයදුම් පතක් බව. ආයෝජන මංඩලය ආපසු අසා ඇති තොරතුරැ කිසිවක් සමාගම සපයා නැහැ. කොහොමද එතකොට අනුමැතිය දෙන්නෙ?

:       0       0

ela wassa Tuesday, 23 October 2018 09:30 AM

ඔය ඉල්ලුව ජරාව ලැබුණානම් අසම්පුර්ණ අයදුම්පත නිකම්ම සම්පුර්ණවෙලා. අපි නොදන්න ලයිව්. නිකම් සුදුහුණු ගාන්න එපා මල්ලි.

:       0       0

කසුන්Tuesday, 23 October 2018 12:29 PM

එකත් එකටම ඔය කොහොමද? එහෙම කියලා කොහොමද හොඳටම දන්නේ?

:       0       0

k.verapitiya Tuesday, 23 October 2018 06:37 PM

අයැදුම්පත සම්පූර්ණ කරන්නද අර දෙන්නා කොමිස් ඉල්ලුවේ..? අනේ යන්න මහත්තයෝ හොරුන්ට සුදු හුණු ගාන්නේ නැතිව. බලයට ආපුගමන්ම කලේ තඹ බිස්නස් එකක්... එ්කත් අහුවුනා. එතකොට නම් අධිකරණ නියෝජ්‍ය ඇමැති...

:       0       0

ඔබේ අදහස් එවන්න

 

 
 

මේවාටත් කැමතිවනු ඇති

ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි 2025 ජුලි මස 01 125 0
ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි

ශ්‍රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික

ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන  හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES 2025 ජුනි මස 26 667 0
ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES

එදා මෙදාතුර ශ්‍රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම

ශ‍්‍රී ලංකා ඉන්ෂුවරන්ස් ‘ඉහළම ජනාදරයට පත් ජීවිත රක්ෂණ සන්නාමය‘ ලෙස පිදුම් ලබයි. 2025 ජුනි මස 25 130 0
ශ‍්‍රී ලංකා ඉන්ෂුවරන්ස් ‘ඉහළම ජනාදරයට පත් ජීවිත රක්ෂණ සන්නාමය‘ ලෙස පිදුම් ලබයි.

xඅඛණ්ඩව 8වන වරටත් ‘ඉහළම ජනාදරයට පත් ජීවිත රක්ෂණ සන්නාමය‘ ශ‍්‍රී ලංකා ඉන්ෂුවරන්ස් ලයිෆ් (SLICLL) නැවත වරක් මෙරට ඉහලම ජනාදරයට පත් ජීවිත රක්ෂණ සන්නාමය ලෙස LMD හි

Our Group Site