2025 ජනවාරි මස 15 වන බදාදා
2025 ජනවාරි මස 15 වන බදාදා
(තිළිණි ද සිල්වා සහ රංජන් කටුගම්පොළ)
ශ්රී ලංකා ප්රමිති කාර්යාංශයේ ප්රමිතීන්ට අනුකූල ගෑස් සිලින්ඩර පමණක් බෙදාහරින බව ලිට්රෝ ගෑස් සමාගම අද (15) අභියාචනාධිකරණයට දැනුම් දුන්නේය.
අනාරක්ෂිත ගෘහස්ත ගෑස් සිලින්ඩර ආනයනය කර බෙදා හැරීමට කටයුතු කල ගෑස් සමාගම් සහ වගකිව යුතු රජයේ බලධාරීන්ට එරෙහිව අපරාධ නීතිය යටතේ නීතිමය පියවර ගන්නා ලෙස නියෝග කරන්නැයි ඉල්ලා විනිවිද පෙරමුණේ ලේකම් නාගානන්ද කොඩිතුවක්කු මහතා ගොනු කල රිට් පෙත්සම අද කැඳවූ අවස්ථාවේදී ලිට්රෝ ගෑස් සමාගම වෙනුවෙන් පෙනී සිටි ජනාධිපති නීතීඥ හර්ෂ අමරසූරිය මහතා මේ බව අධිකරණයට දැනුම් දුන්නේය.
ගෘහස්ත ගෑස් සිලින්ඩරයක අන්තර්ගත විය යුතු නියමිත සංයුතියක් මේ වනවිට නොමැති බවත් , එහි තිබිය යුතු සංයුතිය පිළිබඳව සාකච්ඡා කිරීම සඳහා ප්රමිති කාර්යාංශයේ ප්රධානත්වයෙන් රැස්වීමක් ලබන 20 වනදා පැවැත්වීමට නියමිත බවද ජනාධිපති නීතිඥවරයා දැනුම් දුන්නේය.
ප්රමිති කාර්යාංශය විසින් අනුමත කරන ලද ගෘහස්ථ ගෑස් සිලින්ඩර පමණක් මේ වන විට වෙළෙඳපොළට මුදාහරිමින් තිබෙන බව ඔහු පැවසුවේය.
ප්රමිතියෙන් තොර ගෑස් සිලින්ඩර නිකුත් කිරීම සම්බන්ධයෙන් පාරිභෝගික කටයුතු අධිකාරියේ සභාපති ඩී.එම්.එස්. දිසානායක, ශ්රී ලංකා ප්රමිති ආයතනයේ අධ්යක්ෂ සිද්ධිකා සේනාරත්න, වෙළඳ ඇමැති බන්දුල ගුණවර්ධන, පාරිභෝගික ආරක්ෂණ රාජ්ය ඇමැති ලසන්ත අලගියවන්න යන මහත්වරුන් ට එරෙහිව අපරාධ නීතිය යටතේ විමර්ශනයක් සිදු කරන්නැයි පොලිස්පතිට නියෝග කරන්නැයි ද මෙම පෙත්සම මගින් ඉල්ලා තිබිණි.
මෙහි වගඋත්තරකරුවන් ලෙස ලාෆ්ස් හෝල්ඩින්ග්ස් ලිමිටඩ්,ලිට්ට්රෝ ගෑස් සමාගම, පාරිභෝගික කටයුතු අධිකාරියේ සභාපති ඩී.එම්.එස්. දිසානායක, ශ්රී ලංකා ප්රමිති ආයතනයේ අධ්යක්ෂ සිද්ධිකා සේනාරත්න, වෙළඳ ඇමැති බන්දුල ගුණවර්ධන, පාරිභෝගික ආරක්ෂණ රාජ්ය ඇමැති ලසන්ත අලගියවන්න, රජයේ ප්රධාන තක්සේරුකරු ඇතුළු දස දෙනෙකු නම් කරනු ලැබ සිටිති.
හෙරොයින් ජාවාරමෙන් වසර දෙකක කාලයකදී රුපියල් කෝටි 17ක මුදල් හා දේපළ උපයා ගැනීමේ චෝදනාවන්ට වරදකරු වු ශ්රී ලංකාවට හෙරොයින් ගෙන්වන මහාපරිමාණ කුඩු ජාවාරම
පළාත් සභාවලට අයත් වාහන දෙදහසකට වැඩි සංඛ්යාවක් පසුගිය කාලසීමාවේදී අතුරුදන්ව ඇතැයි රාජ්ය පරිපාලන පළාත් සභා හා පළාත් පාලන අමාත්යාංශ ආරංචි මාර්ග සඳහ
පාර්ලිමේන්තුවේ ප්රධාන කමිටුවක ප්රධානියෙකු සිය පරිහරණය සඳහා ඇමැතිවරුන්ට වෙන් කරන කාමරයක් ලබාගැනීමෙන් මැති ඇමතිවරුන් අතර බලවත් නොසන්සුන්තාවයක් ඇ
මධ්යම අධිවේගී මාර්ග ව්යාපෘතියේ බොහෝ කාලයක් ප්රමාද වී තිබෙන පළමු අදියර සඳහා 2015-16 වසරේදී චීනයේ එම්.සී.සී සමාගමට ලබාදී ඇති සෘජු කොන්ත්රාත්තුව අවලංගු ක
ආනයනය කරනන වාහන සඳහා ආනයන බදු ප්රමාණය රජය විශේෂ ගැසට් නිවේදනයක් මගින් ප්රකාශය කර තිබේ.
විපක්ෂයේ ප්රධාන දේශපාලන පක්ෂ කාර්යාලයකට පසුගිය දිනෙක පැමිණ ඇති මෙරට නම ගිය කෝටිපති ව්යාපාරිකයකු තමාට ජාතික ලැයිස්තු මන්ත්රී ධුරයක් දෙන බව පවසා ප
2025 ජනවාරි මස 08
247
0
NSBM හරිත සරසවියේ 2025 ජනවාරි නව බඳවා ගැනීම සඳහා පැවැත්වූ “NSBM Open Day” ප්රදර්ශනය අති සාර්ථක ලෙස ඉකුත් සතිඅන්තයේ විශ්වවිද්යාල පරිශ්රයේදී පැවැත්විණි.
2024 දෙසැම්බර් මස 24
556
2
අසිරිමත් නත්තල් සිරියෙන් රටම ආලෝකමත් වූ මොහොතේ මෙරට ප්රමුඛතම ජංගම දුරකථන සේවා සම්පාදන සමාගමක් වන HUTCH විසින් ශ්රී ලංකාවේ උසම නත්තල් කුළුණ නිර්මාණය කළ
2024 දෙසැම්බර් මස 20
307
0
දශක 3කට අධික කාලයක් තිස්සේ ශ්රී ලාංකිකයින්ගේ මුඛ සෞඛ්යය වෙනුවෙන් කැපවන ප්රමුඛතම සන්නාමයක් වන ‘ඩෙන්ටා’ සිය සුවිශේෂී ‘වැඩෙන සිනහවට ඩෙන්ටල් සත්කාරය
ලිට්රෝ සමාගමෙන් අධිකරණයට පොරොන්දුවක්
සමන්ත ගිම්හාන් Wednesday, 15 December 2021 02:34 PM
මෙතුමා ජනතාව වෙනුවෙන් සෑහෙන නඩු ප්රමාණයක් දමාගෙන තියෙනවා..
Nuwa Wednesday, 15 December 2021 02:36 PM
පන්සලේ පිං කැටේ කඩපු මිනිහාටත් දැන් පුළුවන් ආයේ කඩන්නේ නෑ කියලා අධිකරණයට පොරොන්දු වෙන්න.
ase Wednesday, 15 December 2021 03:26 PM
දැන් සියල්ලම හරිද ? වැරදි කරුවන් ? මෙම විනශයට වගකිය ඈයෝ ? දඩයම් ? පොරොන්දුවකින් හමාරද ?
කෝරලගේ Wednesday, 15 December 2021 03:35 PM
අපි TV එකේ දැක්කා ශ්රී ලංකා ප්රමිති කාර්යාංශය කිව්වා ඒ ගොල්ලන් ගෑස් සිලින්ඩරයේ ප්රමිතිය විතරයි බලන්නේ..., ගෑස්වල අඩංගු සංයුතිය බලන්නේ නැහැ කියලා. එහෙම වුනොත් නැවතත් ගෑස් උඳුන් පුපුරලා මහජනතාවට මරණ බියෙන් තමයි ඉන්න වෙන්නේ...
අබිලින්Friday, 17 December 2021 07:06 AM
ප්රමිති කාර්යාංසය බලන්නෙ සිලිංඩරය පමණක් කියලා කියනවා.ඒ වගේ තමා පොහොර සමාගම්වලට කරන්නෙත්.අපි අත් දැක්කා පොහොර කියලා දුන්නෙ තනිකරම වැලිකියල.ඒ වගේම සමහර නිෂ්පාදන කරන්නෙ ඉතාමත් බාල දේවල් වලට උසස් නිෂ්පාදන සියයට එකක් හෝ දෙකක් යොදාගෙන භාණ්ඩ වලට අගය එකතුවක් කිරීම .මේවා වංචා කිරීම්.මෙනිසා පාරිභෝගික අධිකාරිය හෝ භාණ්ඩ වල ගුණාත්මක බව පරීක්ෂා කල යුතුය
de silva Wednesday, 15 December 2021 04:19 PM
සිද්ධිකා කියන්නේ අර ජනතාව වස ටිකටික කෑවට කමක් නැහැ, හරියට කළොත් සමාගම් බංකොළොත් වෙනවා කියලා කියපු කාන්තාව නේද?
ගලපරWednesday, 15 December 2021 05:57 PM
ඇත්ත තමයි.
Nuwan Wednesday, 15 December 2021 04:31 PM
මේවා තමයි සෞභාග්යයේ දැක්ම... හැබැයි වෙන රටක නම් කට්ටිය ඔක්කොම හිරේ...
සෑම් Wednesday, 15 December 2021 05:18 PM
නාගානන්ද මැතිතුමනි, පාහර හොර කල්ලියට එරෙහිව එඩිතරව නඩු පැවරීම ගැන ඔබට ජාතියේ ප්රණාමය...! ඔබ ජාතියට සම්පතකි.
de silva Wednesday, 15 December 2021 05:22 PM
වෙන රටක නම් මේ ලොක්කෝ සියල්ල අනියම් මිනීමැරුමකට... දේපළ විනාශයට විශාල වන්දියකුත් ගෙවලා අවුරුදු 30-40 ක් හිරේ...
Siri Thursday, 16 December 2021 04:32 AM
වියත් මගේ මීහරක් දාගෙන මේ කම්පැනි විනාශ කරා
වර්ණකුලසූරිය Thursday, 16 December 2021 09:31 AM
පාස්කු ප්රහාරයට හිටපු ජනාධිපතිවරයා ඇතුළු දැනට චෝදනා ලබා ඇති රාජ්ය නිලධාරින් වගකිව යුතු වන්නේ නම් මෙම මරණවලටද ඒ හා සමානව රජ්ය පාර්ශවය අනිවාර්යයෙන් වගකිව යුතුයි. පාස්කු ප්රහාරයේදි අදාළ පාර්ශව වගකීම පැහැර හැර ඇත්තේ නම් මෙතන සිදුවී ඇත්තේද එයමයි. එහෙත් කිසිවෙක් අත්අඩංගුවට පත්වි නොමැත්තේ රට ආරක්ෂා කිරීමට පැමිණි රජයකින් එය සිදුවී ඇති නිසාද?
Siri Thursday, 16 December 2021 11:49 AM
ප්රධාන වගඋත්තර කරු ජනාධිපති විය යුතුයි නේද ?