(නිමල කොඩිතුවක්කු)

ශ්‍රී ලංකා ගමනාගමන මණ්ඩලයේ දෛනික ආදායම කෝටි 5ක් දක්වා ඉහළ ගොස් ඇතැයි එහි සභාපති කිංස්ලි රණවක මහතා පැවසීය.

පළාත් අතර සංචරණ සීමා පනවා තිබියදී ලංගම දෛනික ආදායම රුපියල් කෝටියක පමණ අගයක පැවති බවත් ඔහු සඳහන් කළේය.

කොරෝනා වසංගතයට පෙර ශ්‍රී ලංකා ගමනාගමන මණ්ඩලය දිනකට රුපියල් කෝටි නමයක පමණ ආදායමක් ඉපයූ බවත් නොබෝ දිනකින් එම ඉලක්කයට ළඟාවීමට හෙළිවනු ඇති බවත්  ශ්‍රී ලංකා ගමනා ගමන මණ්ඩලයේ ප්‍රධාන කාර්යාලයේ පැවති  ප්‍රවෘත්ති සාකච්ඡාවකට එක්වෙමින් ඔහු මේ බව පැවසීය.

සේවකයන්ට වැටුප් ගෙවා ගැනීමට නොහැකි තත්ත්වයට ලංගම කඩා වැටී ඇති බවට පළ වන වාර්තාවල කිසිදු සත්‍යතාවයක් නොමැති බවත් හෙතෙම එහිදී කියා සිටියේය.

සංචරණ සීමා පණවා තිබූ කාලය තුළ සෞඛ්‍ය අංශ,  යුධ හමුදා සහ පොලීසිවල නිලධාරීන් ප්‍රවාහනය කිරීමෙන් කෝටි 90 ක පමණ මුදලක් ලංගමට ලැබීමට ඇති බවත් සභාපතිවරයා වැඩිදුරටත් සඳහන් කළේය.