(චන්ද්‍රසිරි ගුණසේකර)

බලපත්‍ර නොමැතිව, පිටිගල බඹරවාන ප්‍රදේශයේ නිවාස දෙකක  සඟවාගෙන තිබූ රුපියල් ලක්ෂ පහකට අධික වටිනාකමක් ඇති වෙනිවැල්ගැට කිලෝ 1205ක් සමග සැකකරුවන් දෙදෙනකු  අද(12)  අත්අඩංගුවට ගත් බව ඇල්පිටිය වන සංරක්ෂණ නිලධාරීහු කියති.

ඇල්පිටිය අඩවි වන නිලධාරි බී.එම්.විපුල බණ්ඩාර මහතාට ලද තොරතුරක් මත ඇල්පිටිය වන අඩවි කාර්යාලයේ නිලධාරීන් කළ වැටලීමකදී මෙම සැකකරුවන් අත්අඩංගුවට ගෙන ඇත.

කොරෝනා වයිරසය මැඩලීම සදහා ප්‍රයෝජනවත් වන ඖෂධයක් ලෙස සැලකෙන වෙනිවැල්ගැට සඳහා ඉහළ ඉල්ලුමක් පවතින බැවින් වැඩිමිලට අලෙවි කිරීම සඳහා රැස්කර තබා ගන්නට ඇතැයි  එම නිලධාරීහු පවසති.

මෙම වෙනිවැල්ගැට රක්ෂිතයකින් කපන ලද ඒවාද යන්න සොයාගැනීම සඳහා වන අඩවි නිලධාරීහු පරීක්ෂණ පවත්වති .