(බිමල් ශ්‍යාමන් ජයසිංහ)

රුපියල් ලක්ෂ විසිපහක අධික වටිනාකමින් යුත් කොකේන් මත්ද්‍රව්‍ය තොගයක් සමඟ ඉතාලි ජාතිකයෙක් සහ ඊශ්‍රායල ජාතිකයෙක් අද (7) කාඳාන දුම්රිය පොළ අසලදී අත්අඩංගුවට ගත් බව පෑලියගොඩ දිසා අපරාධ කොට්ඨාසය කියයි.

කොකේන් ග්‍රෑම් 60යි මිලිග්‍රෑම් 970ක් තිබූ බව පොලිසිය කියයි.

අත්අඩංගුවට ගත් ඊශ්‍රායල ජාතිකයා වයස අවුරුදු 25 ක අයෙක් බවත් ඉතාලි ජාතිකයා වයස අවුරුදු 36 ක අයෙක් බවත් පොලිසිය කියයි.

පෑලියගොඩ දිසා අපරාධ කොට්ඨාසයට ලද තොරතුරක් අනුව මෙම පුද්ගලයන් දෙදෙනා අත්අඩංගුවට ගත් බව පොලිසිය කියයි.

ජනවාරි මස මෙරටට පැමිණි තිබූ මෙම විදේශීය ජාතිකයන් දෙදෙනා මෙම කෙටි කාලය තුලදී තංගල්ල ,හික්කඩුව සහ ත්‍රිකුණාමලය වැනි ප්‍රදේශ වල කොකේන් මත්ද්‍රව්‍ය බෙදා ඇති බවට සිදුකළ මූලික පරීක්ෂා වලදී හෙළි වූ බව පොලිස් නිලධාරියෙක් පැවැසීය.