(දෙහිවල එච්.එම්. ධර්මපාල)
             
රත්මලාන  ප්‍රධාන පාතාල සාමාජිකයෙකූ වූ කොචිච්කඩේ ප්‍රදේශයේදී පොලීස් වෙඩි පහරින් ඝාතනයට ලක්වූ ‘රොහා‘ යන අයගේ මරණය සම්බන්ධයෙන් සතුට සැමරීමට කටයුතු කළ කුඩු අංජුගේ  සහෝදරිය සමග ඊයේ (25) ගල්කිස්ස  නිසල අරණ සුසාන භූමියේදී අත්අඩංගුවට ගත් ඩ්‍රෝන යන්ත්‍ර සමග අත්අඩංගුවට ගෙන ඇති පුද්ගලයෙකුගෙන් ප්‍රශ්න කිරීමකට ලක්කෙරිණි. එහිදී රුපියල් ලක්ෂ 20 කට අධික ඩ්‍රෝන කැමරා 5 ක් ඇතුලු උපකරණ තොගයක් කඩුවෙල ප්‍රධාන සැකකරුගේ නිවසේ තිබී අද (26) සවස දෙහිවල පොලිසිය මගින් අත්අඩංගුවට ගෙන ඇතැයි දෙහිවල පොලිසිය කියයි.

සැකකරු කඩුවෙල පදිංචි වයස 38ක අයෙකු වන අතර කිසිඳු බලපත්‍රයක් නොමැතිව ඩ්‍රෝන යන්ත්‍ර ආනයනය කිරීමේ ආයතනයක් පවත්වාගෙන යනු ලැබ ඇතිබවත්, භාණ්ඩ ප්‍රවාහනය සඳහා යොදා ගන්නා විශාල ඩ්‍රෝනා යන්ත්‍ර  2ක් හා කැමරාකරණය කරන ඩ්‍රෝන කැමරා 3 ක්ද සමග උපකරණ තොගයක් අත්අඩංගුවට ගෙන ඇත.

වැඩිදුර පරීක්‍ෂණ දෙහිවල පොලිස් ස්ථානාධිපති ප්‍රධාන පොලිස් පරීක්ෂක  එච්.එල්. දුෂ්මන්ත මහතා අපරාධ අංශ ස්ථානාධිපති පොලිස් පරීක්ෂක රොෂාන් උදයංග මහතා ඇතුලු නිලධාරීන් කණ්ඩායමක් විසින් සිදුකරගෙන යනු ලබයි.