(බිමල් ශ්‍යාමන් ජයසිංහ)
 
රුපියල් ලක්ෂ විස්සකට ආසන්න හෙරොයින් මත්කුඩු තොගයක් යතුරු පැදියකින් ප්‍රවාහනය කරමින් සිටි පුද්ගලයකු කොස්ගම හිඟුරලදී අත්අඩංගුවට ගත් බව කොස්ගම පොලිසිය පවසයි.
 
එම පුද්ගලයා සතුව තිබී මත්කුඩු ග්‍රෑම් 104යි මිලිග්‍රෑම් 800ක් සොයාගත් බව පොලිසිය කියයි.
 
පුද්ගලයකු මත්කුඩු රැගෙන යතුරුපැදියකින් යන බවට කොස්ගම පොලිසිය ලද තොරතුරකට අනුව මෙම පුද්ගලයා අත්අඩංගුවට ගත් බව පොලිස් නිලධාරියෙක් පැවසීය.
 
සැකකරු ගාල්ල ප්‍රදේශයෙන් මත්කුඩු රැගෙන පැමිණ ඇති බවත් විද්‍යුත් මුදල් හුවමාරු ක්‍රමය යටතේ අවිස්සාවේල්ල, කොස්ගම, දැරණියගල, හංවැල්ල යන ප්‍රදේශවලට මත්කුඩු බෙදාහැර ඇති බවත් අනාවරණය වී ඇති බවත් පොලිසිය පවසයි.
 
අත්අඩංගුවට ගත් සැකකරු 28 හැවිරිදි පුද්ගලයෙකි.
 
සැකකරු අවිස්සාවේල්ල අධිකරණයට ඉදිරිපත් කිරීමට නියමිතය.