ශ්‍රී ලංකාවේ සංචාරයකට පැමිණි රුසියන් නීතිඥවරියකට  අයත් ලැප්ටෝප් පරිගණයක් කොළඹ කොටුව දුම්රිය ස්ථානයේදී  සොරාගෙන එය කොළඹ හෙට්ටිවීදියේ ස්වර්ණාභරණ ආයතනයක තබා තිබියදී සොයාදීමට කොළඹ කොටුව දුම්රිය ස්ථානාධිපති ප්‍රදීප් ජයසූරිය මහතා ප්‍රමුඛ නිලධාරී කණ්ඩායමක් ඉකුත් දා  සමත් විය.

රුසියන් කාන්තාව ඉකුත් 27 වැනි දා රජරට රැජිණ දුම්රියට ගොඩවීමට කොළඹ කොටුව දුම්රිය ස්ථානයේ රැඳී සිටියදී කිසියම් පුද්ගලයකු විසින් තමන්ගේ ලැප්ටොප් පරිගණකය පැහැර ගත් බව එම නීතිඥවරිය කොළඹ කොටුව දුම්රිය ස්ථානාධිපතිවරයාට දැනුම් දී ඇත. 

දුම්රිය ස්ථානාධිපති ඇතුළු නිලධාරීන් රුසියන් නීතිඥවරියගේ දුරකථන යෙදුමක් භාවිතා කර එම තොරතුරු ඔස්සේ නැති වූ ලැප්ටොප් පරිගණකය කොළඹ හෙට්ටිවීදියේ ස්වර්ණාභරණ ආයතනයක් තුළ  තිබියදී සොයා ගෙන ඇත.

ලැප්ටොප් පරිගණකය සොරාගත් පුද්ගලයා සොයා ගැනීමට මේ වනවිට පොලිස් පරීක්ෂණ සිදුවෙයි.

රුසියානු නීතිඥවරියක වන සෙමියා මයිසැක් තමන්ට කළ උපකාරය වෙනුවෙන් කොළඹ කොටුව දුම්රිය ස්ථානාධිපතිවරයා සහ කාර්යය මණ්ඩලයට  විශේෂ ස්තූතිය පුද කර සටහනක්ද දුම්රිය ස්ථානයේ පැමිණිලි සහ යෝජනා පොතේ තබා ඇත.