(රොමේෂ් ධනුෂ්ක සිල්වා)

ඇවන්ගාර්ඩ් සභාපති නිශ්ශංක සේනාධිපති මහතා බන්ධනගාර දෙපාර්තමේන්තුව සමඟ එක්ව රැඳවියන් 50,000 ක් වෘත්තීය මට්ටමින් පුනරුත්ථාපනය කිරීම සඳහා වන විශේෂ වැඩසටහනක් අධිකරණ, මානව සම්පත් සහ නීති ප්‍රතිසංස්කරණ අමාත්‍ය නිමල් සිරිපාල ද සිල්වා මහතාගේ ප්‍රධානත්වයෙන් වැලිකඩ බන්ධනාගාරයෙදී අද (18) ආරම්භ කෙරිණි.

පසුගිය කාලයේ රිමාන්ඩ් බන්ධනාගාර ගතව සිටියදී රැඳවියන් ආශ්‍රිතව සිදුකළ ගවේෂණාත්මක තොරතුරුමත මෙසේ ඔවුන්ගේ සුභ සිද්දිය උදෙසා මෙම ව්‍යාපෘතිය ආරම්භ කිරීමට තමා අදහස් කළ බව නිශ්ශංක සේනාධිපති මහතා පැවසීය.

මෙමගින් රැඳවියන්ට ඉංග්‍රීසි, ජර්මන්, ප්‍රංශ ඇතුළු ලෝකයේ විවිධ භාෂාවන් ප්‍රගුණ කර ඔවුන්ව විදේශ රැකියා අවස්ථා සඳහා යොමු කරවීම, කාර්මික පාඨමාලා සඳහා යොමු කරවීම සහ ස්‌වයං ව්‍යාපාර සඳහා මග පෙන්වීම වැනි  කාර්යන් මෙමගින් කරන බවත් සේනාධිපති මහතා මෙහිදී පැවසීය.

අමාත්‍ය විමල් වීරවංශ, පාර්ලිමේන්තු මන්ත්‍රී නාමල් රාජපක්ෂ, බස්නාහිර පළාත් ආණ්ඩුකාර විශේෂඥ වෛද්‍ය සීතා අරඹේපොළ, ආරක්ෂක ලේකම් ජෙනරාල් කමල් ගුණරත්න  ඇතුළු පිරිසක් මෙම අවස්ථාවට එක්ව සිටියහ.