(ඩයනා උදයංගනී)

රණවිරු සැමරුම් මාසය ප්‍රකාශයට පත් කරමින් ජනාධිපති ගෝඨාභය රාජපක්ෂ මහතා වෙත ජාතික රණවිරු කොඩිය පැළඳවීම ජනාධිපති කාර්යාලයේ දී අද (04) පෙරවරුවේ සිදු විය.

මෙම රණවිරු කොඩිය ජනාධිපතිතුමා වෙත පැළඳවීම රණවිරු සේවා අධිකාරියේ වැඩබලන සභාපති සෝනියා කෝට්ටේගොඩ මහත්මිය අතින් සිදුකෙරිණි.

දශක 03කට අධික කාලයක් පැවති ත්‍රස්තවාදය නිමාකර නිදහස්, නිවහල් දේශයක් වෙනුවෙන් කැපවූ අභීත රණවිරුවන් අනුස්මරණය කිරීම රණවිරු මාසයේදී සිදුකෙරෙන අතර මැයි මාසයේ පළමු සතියේ ජනාධිපතිතුමාට ජාතික රණවිරු කොඩිය පැළඳ වූ දින සිට රණවිරු සැමරුම් මාසය ඇරඹේ.

ආරක්ෂක ලේකම් ජෙනරල් (විශ්‍රාමික) කමල් ගුණරත්න මහතා ද මෙම අවස්ථාවට එක්විය.