(සුජිත් හේවාජුලිගේ)

කොරෝනා  රැල්ලක් යළි ඇති වුණහොත් එය  රටට දරාගත නොහැකි වනු ඇතැයි ශ්‍රී ලංකා වෛද්‍ය සංගමයේ සභාපතිනී  විශේෂඥ වෛද්‍ය පද්මා ගුණරත්න මහත්මිය පැවැසුවාය.

රට විවෘත කළ පසු යළි රැල්ලක් ඇති නොවීමට ජනතාව වගබලා ගත යුතු බව පැවසූ විශේෂඥ වෛද්‍යවරිය පෙර පුරුදු ආකාරයට හැසිරුණහොත්  තත්වය  අවදානම් වනු ඇතැයිද  සඳහන් කළාය.

වයස 20 ට අඩු ජනතාව සහ  20ට වැඩි ජනගහනයෙන් සියයට විස්සක්  එන්නත්කරණයට   ලක්කර නැති හෙයින් ඔවුන් හරහා රෝගය පැතිරීමට  ඉඩකඩ ඇතැයිද  ගුණරත්න මහත්මිය පෙන්වා දුන්නාය.

සියලු දෙනා එකතුවී මෙම ගැටලූවට මුහුණ දිය යුතු බවද ඇය කීවාය.