(ක.ග.කරුණාරත්න)
 
අධික වර්ෂාව හේතුවෙන් මහවැලි ගඟ පිටාර ගැලීම නිසා පොළොන්නරුව සෝමාවතිය ප‍්‍රධාන මාර්ගයේ ස්ථාන කිහිපයක් අද(20) ජලයෙන් යටවී ඇතැයි පුලස්තිපුර පොලීසිය කියයි.
 
සෝමාවතිය පූජාභූමිය ආසන්නයේ පිහිටි ඉපැරණි සෙල්ලිපිගල අවට අඩි දෙකකට වඩා වැඩි ජලමට්ටමක් පවතින හෙයින් සුංගාවිල පෙරියආරු පාලමේ සිට සෝමාවතිය පුදබිම තෙක් රථ වාහන  ධාවනය තාවකාලිකව අත්හිටුවීමට පියවර ගත්බව පොලීසිය සඳහන් කරයි.
 
මහවැසි තවදුරටත් පවතින නිසා මාර්ගයේ ජල මට්ටම තවදුරටත් ඉහළ යා හැකි බවද පොලීසිය කියයි.
 
එමනිසා ගංවතුර තත්වය නොසලකා එම මාර්ගයේ අවදානම් සහිත ගමනාගමන නොයෙදෙන ලෙස පොලීසියෙන් රියැදුරන්ට අවවාද කෙරේ.

(ඡායාරූප - ක.ග.කරුණාරත්න)
 

(ඡායාරූප - ඩබ්. ඒ.පියතිලක)