(රොමේෂ් මධුෂංඛ)
කිලිනොච්චිය, පලෙයි මුහමාලෙයි ප්රදේශයේ මිනිස් අස්ථි හා ආයුධ කොටස් හමු වූ ස්ථානයේ ඊයේ සහ අද (23) දිනයන්හි කළ තවත් කැණීමකදී එල්.ටී.ටී.ඊ. සංවිධානයට අයත් නිලඇඳුම්, බෝම්බ, එල්.ටී.ටී.ඊ. සංවිධානයේ නායක ප්රභාකරන්ගේ ඡායාරූපයක්, ආයුධ හා මිනිස් අස්ථි කොටස් බවට සැකකෙරෙන අස්ථි කිහිපයක් හමු වූ බවට කිලිනොච්චිය පොලීසිය පවසයි.
පසුගිය මැයි 22 වැනිදා අදාළ ස්ථානයේ බිම්බොම්බ ඉවත් කිරීමේ කටයුතුවල නිරත රාජ්ය නොවන සංවිධානයකට කොටි සංවිධානය සතු නිලඇඳුම් හා ගිනි අවි කොටස් කිහිපයක් සමගින් මිනිස් අස්ථි කිහිපයක්ද හමු වී තිබිණි. පසුව කිලිනොච්චි මහෙස්ත්රාත් ටී. සර්වනරාජා මහතාගේ ප්රධානත්වයෙන් මැයි 26 වැනිදා සහ ජුනි 2 වැනිදා අදාල ස්ථානයේ පළමු සහ දෙවන අදියරේ කැණීමට කිලිනොච්චිය පොලීසිය විසින් පියවර ගනු ලැබීය.
එම කැනීම්වලදී ද යුද උපකරණ රැසක්, කොටි සාමාජිකයින්ගේ නිලඇඳුම් හා අස්ථි කොටස් කිහිපයක් හමු විය.
කරන ලද කැනීම්වලදී අත් බෝම්බ තුනක්, ටී.56 ගිනිඅවියක්, කොටි සාමාජිකයින් පළඳින සයිනයිඩ් කරලක්, ගෙලෙහි පළඳන ටැග් එකක්, එම සංවිධානයේ නිලඇඳුම් කිහිපයක්, කොටි නායක ප්රභාකරන්ගේ ඡායාරූපයක් හා මිනිස් අස්ථි බවට සැකකෙරෙන අස්ථි කොටස් කිහිපයක් හමු වී ඇත.
අද දිනයේ ද වැඩිදුරටත් කැණීම් කරන බව පරීක්ෂණ සිදුකරන කිලිනොච්චිය පොලීසිය වැඩිදුරටත් පැවසීය.
ශ්රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර
ශ්රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික
එදා මෙදාතුර ශ්රී ලාංකීය දේපල වෙළදාම් ක්ෂේත්රයේ දැවැන්තම සහ අති සුඛෝපභෝගී නිවාස සංකීර්ණ ව්යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
මුහමාලෙයිහි වළ දැමූ නිලඇඳුම්-බෝම්බ-ප්රභාකරන්ගේ ඡායාරූප හමුවේ