ඉන්දියාවේ බැංගලෝර් හි දී පැවැත්වෙන සමුළුකට සහභාගී වීම සඳහා විපක්ෂනායක මහින්ද රාජපක්ෂ මහතා අද (8) රාත්‍රීයේ ඉන්දියාව බලා පිටත්වීමට නියමිතය.

‘ද හින්දු’ පුවත්පත සංවිධානය කරනු ලබන මෙම සමුළුව හෙට (9) සහ අනිද්දා (10) ඉන්දියාවේ බැංගලෝර් හි දී පැවැත්වෙනු ඇති.

එහි සමාරම්භක දේශනය විපක්ෂනායක මහින්ද රාජපක්ෂ මහතා විසින් පැවැත්වීමට නියමිතය. 

ඉන්දියාව හා ශ්‍රී ලංකාව අතර ඇති සබඳතාවල අනාගතය සම්බන්ධයෙන් එහිදී සාකච්ඡා කිරිමට නියමිතය. 

පොදුජන පෙරමුණේ සභාපති ජී.ඇල්.පිරිස්, මන්ත්‍රී ලොහාන් රත්වත්තේ,ඩිලාන් පෙරේරා, නාමල් රාජපක්ෂ සහ ඩලස් අලහප්පෙරුම යන මහත්වරුන් සමුළුවට සහභාගී වනු ඇති.
 
 

(28535)