IMG-LOGO

“මාසයකට ලක්ෂ 5 ක පඩියක් ලැබුවත් ආර්ථික සභාවේ ලේකම් වැඩිපුරම සිටියේ පිටරට“

ජාතික ආර්ථික සභාවේ මහලේකම් මහාචාර්ය ලලිත් සමරකෝන් මහතා මාසයකට රුපියල් ලක්‍ෂ පහක වැටුපක් ලැබුවත් ඔහු වැඩිවශයෙන් කාලය ගතකර ඇත්තේ පිටරටයැයිද මේ තත්ත්වය එම සභාව අහෝසි කිරීමට ප්‍රධාන හේතුවවූ බවද ජනාධිපති මෛත්‍රීපාල සිරිසේන මහතා කැබිනට් පත්‍රිකාවක් ඉදිරිපත් කරමින් සඳහන් කර ඇත.

අග්‍රාමාත්‍ය රනිල් වික්‍රමසිංහ මහතා යටතේ පැවැති ආර්ථික කළමනාකරණය පිළිබඳ කැබිනට් කමිටුව වෙනුවට ජනාධිපතිවරයා විසින් ජාතික ආර්ථික සභාව පිහිටුවනු ලැබුවේ 2017 වසරේදීය.

එහි මහලේකම් ධුරයට ලලිත් සමරකෝන් මහතා පත්කරනු ලැබුවේද ජනාධිපතිවරයා විසිනි.

මෙම පත්වීම සඳහා අනුමැතිය ලබා ගැනීමට ජනාධිපතිවරයා ඉදිරිපත්කර තිබූ කැබිනට් පත්‍රිකාවේ ජනාධිපතිවරයා විසින් ලලිත් සමරකෝන් මහතා හඳුන්වා තිබුණේ “පළපුරුද්දෙන් දැනුමෙන් සහ දක්‍ෂතාවයෙන් පරිපූර්ණ වූත්මෙම තනතුර හැම අතින්ම සුදුසුකම් ඇත්තාවූත් පුද්ගලයකු” ලෙසිනි.

කෙසේ වෙතත් ජාතික ආර්ථික සභාව අහෝසි කිරීම සඳහා ඉදිරිපත් කර ඇති කැබිනට් පත්‍රිකාවෙහි ජනාධිපතිවරයා සඳහන් කර ඇත්තේ මහලේකම්වරයා සිය වගකීම් ඉටු කිරීමට අපොහොසත්වී ඇති බවය. මහලේකම්වරයා පෞද්ගලික හේතුන් මත නිතර විදේශගතවන බවත් මේ වනතුරුම ඔහු ආපසු පැමිණ නැති බවත් ජනාධිපතිවරයා වැඩිදුරටත් සඳහන් කර තිබිණි.

මේ අතර ජනාධිපතිවරයාගේ උපදෙස් මත මහාචාර්ය ලලිත් සමරකෝන්ගේ ජාතික ආර්ථික සභාවේ සෙසු කාර්ය මණ්ඩලයේ සේවය අවසන් කරන බව ජනාධිපති ලේකම් උදය ආර්. සෙනෙවිරත්න මහතා මහලේකම්වරයා ඇතුළු කාර්ය මණ්ඩලයට දැනුම්දී ඇත.

( සන්ඬේ ටයිම්ස් ඇසුරිනි)

055



අදහස් (5)

“මාසයකට ලක්ෂ 5 ක පඩියක් ලැබුවත් ආර්ථික සභාවේ ලේකම් වැඩිපුරම සිටියේ පිටරට“

සේන Monday, 21 October 2019 10:57 AM

ආර්ථිකේ හදන්න රට යන්න ඇති මගේ හිතේ...

:       0       13

lalithm Monday, 21 October 2019 11:45 AM

කව්රුත් තමතමන්ගේ යාළුවන්ට තමන්ට පුළුවන් වෙලාවට සලකනවා. මිත්‍රකම.

:       5       12

sarath perth Monday, 21 October 2019 12:17 PM

ජනාදිපතිතුමට මිනිසුන් හඳුනාගන්න දිගු කලක් ගතවෙනවනේ. පෙරහැර ගිහිල්ලත් ඉවරයි

:       0       0

gunda Monday, 21 October 2019 05:58 PM

16 දා කිට්ටු වෙනකොට තව තව දේවල් මතක් වෙයි එලොව පොලුත් පෙනෙයි

:       0       0

Bamunuarachchi Tuesday, 22 October 2019 01:05 AM

ඔය විදිහටම රටට වැඩක් නොකර රට අගාදයට දැම්ම යහපාලනකාරයින්වත් ගෙදර යවන්න කටයුතු කරමු. ඒ සදහා අපේ සහයෝගය නොමසුරුව ලැබෙනවා.

:       0       0

ඔබේ අදහස් එවන්න

 

 
 

මේවාටත් කැමතිවනු ඇති

ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි 2025 ජුලි මස 01 99 0
ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි

ශ්‍රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික

ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන  හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES 2025 ජුනි මස 26 645 0
ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES

එදා මෙදාතුර ශ්‍රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම

ශ‍්‍රී ලංකා ඉන්ෂුවරන්ස් ‘ඉහළම ජනාදරයට පත් ජීවිත රක්ෂණ සන්නාමය‘ ලෙස පිදුම් ලබයි. 2025 ජුනි මස 25 130 0
ශ‍්‍රී ලංකා ඉන්ෂුවරන්ස් ‘ඉහළම ජනාදරයට පත් ජීවිත රක්ෂණ සන්නාමය‘ ලෙස පිදුම් ලබයි.

xඅඛණ්ඩව 8වන වරටත් ‘ඉහළම ජනාදරයට පත් ජීවිත රක්ෂණ සන්නාමය‘ ශ‍්‍රී ලංකා ඉන්ෂුවරන්ස් ලයිෆ් (SLICLL) නැවත වරක් මෙරට ඉහලම ජනාදරයට පත් ජීවිත රක්ෂණ සන්නාමය ලෙස LMD හි

Our Group Site