මොරටුව තාක්ෂණ විද්‍යායතනයට නිසි බලධරයෙක්

(රංජන් කස්තුරි)

මොරටුව විශ්ව විද්‍යාලයේ තාක්ෂණ විද්‍යායතනයේ නිසි බලධරයා ලෙස ආචාර්ය සුනිල් ජයන්ත නවරත්න මහතා පත් කර ඇත.

උසස් අධ්‍යාපන, තාක්ෂණ හා නවෝත්පාදන අමාත්‍ය බන්දුල ගුණවර්ධන විසින් ඒ මහතාව පත්කරනු ලැබ තිබේ.

මොරටුව විශ්ව විද්‍යාලයේ තාක්ෂණ විද්‍යා ආයතනයේ පරිපාලන කටයුතුවල බරපතල ගැටලු මතුව ඇති බැවින් සහ එය සාමාන්‍ය තත්වයට නැවත පත්කිරීමට බලධාරීන් අපොහොසත්ව ඇති බැවින් එම ආයතනයේ අධ්‍යක්ෂ වෙනුවට නිසි බලධරයකු පත්කරන බව බන්දුල ගුණවර්ධන ඇමතිවරයා නිකුත් කළ අතිවිශේෂ ගැසට් නිවේදනයේ සඳහන් වේ.

සුනිල් ජයන්ත නවරත්න මහතා වසර ගණනාවක් රජයේ ඉහළ තනතුරු දැරූ නිලධාරියෙකි. ඔහු කලක් උසස් අධ්‍යාපන අමාත්‍යංශයේ ලේකම්වරයා ලෙස ද කටයුතු කළේය.

අදහස් (4)

මොරටුව තාක්ෂණ විද්‍යායතනයට නිසි බලධරයෙක්

නන්නාදුනන හාදයා Sunday, 05 January 2020 12:44 PM

මෙයාගේ කැරැට්ටුව එතරම් හොඳ නැහැ. ගරු ජනාධිපති තුමනි, මේ පත්වීම පිළිබඳව සොයා බලන්න. ඒ වගේමයි අර අයි.ටී.එන් එකේ හිටපු "යකඩ සුදාව " නැවත පත්කොට වහාම අයින් කරපු එකටත් ස්තුතියි.

: 360 342

saara Sunday, 05 January 2020 04:19 PM

පේනවා නේද තමාගේ බොන මිතුරන්ට සලකන හැටි...? ඡන්දය දීපු අපි පව්...

: 126 116

UniDon Monday, 06 January 2020 02:31 AM

අහෝ බන්දුල නොදිටි මොක්පුර...

: 5 3

සත්‍යජිත් Tuesday, 07 January 2020 03:39 PM

නිවැරදි තීන්දු අරගන්නත් ඒවා ක්‍රියාත්මක කරන්නත් හැකියාව ඇති ඉතාම දක්ෂ නිලධාරියෙක්. සුබපැතුම්..!!! මේ නිලධාරියා එස්.බී. දිසානායක යටතේ නිතරම වැඩ කර ඇති නිසා එස්. බී. ගේත් එක්ක තියෙන ඇරියස්වලට මෙයාව ගාවගන්න එපා. අවංකව අදහස් දක්වන්න.

: 0 5