ඉන්දියාවේ මුම්බායි ගුවන්තොටුපලේදී මිනිස් කළලයක් රැගෙන යමින් සිටි මැලේසියානු ජාතිකයෙකු අත්අඩංගුවට ගත් බව මුම්බායි ගුවන්තොටුපල බලධාරීහු පවසති.
 
 මෙම පුද්ගලයාගේ ගමන් බෑගයේ කුඩා පෙට්ටික කළලය තැන්පත් කර තිබූ බවද එය රහසේ රැගෙන යමින් සිටියදී අත්අඩංගුවට ගත් බවද ඔවුහු වැඩිදුරටත් සඳහන් කරති.
 
මෙම පුද්ගලයා මෙලෙස ළලල රැගෙන ගිය ප්‍රථම අවස්ථාව මෙය නොවන බව මාධ්‍ය වාර්තා කර ඇත. 
 
කළල තැන්පත් කරන සායනයකට එම කළලය ගෙනයන බව මැලේසියානු ජතිකයා ප්‍රකාශ කර ඇති නමුත් එම සායනය පවත්වාගෙන යන වෛද්‍යවරයා මෙම චෝදනාව තරයේ ප්‍රතික්ෂේප කර ඇත.
 
මානව කළලයක් ශීතාගාර තුළ වසර කිහිපයක් තබාගත හැකි අතර කළල තැන්පත් කිරීමේ ක්‍රමය ඉන්දියාවේ ඉතා සාර්ථකව සිදුකරන බව සඳහන් වේ. 
 
 නමුත් පිටරටින් කළල ගෙන්වීම ඉන්දියාවේ වෛද්‍ය පර්යේෂණ සභාව විසින් තහනම් කර ඇත.
 
 
(බීබීසී ඇසුරිණි - 085)