(බිඟුන් මේනක ගමගේ) 

ජනමාධ්‍ය උපමාන උල්ලංඝනය වන අයුරින් විද්‍යුත් මාධ්‍ය සිදුකරන ප්‍රචාරණ සම්බන්ධයෙන් එක්සත් ජාතික පෙරමුණෙන් මැතිවරණ කොමිසමට වාර්තා කීපයක්ම ලබාදුන්නේ යැයි එක්සත් ජාතික පක්ෂයේ පාර්ලිමේන්තු මන්ත්‍රී එස්.එම් මරික්කාර් මහතා ‘ලංකාදීප’ යට පැවසීය.

සංඛ්‍යාත අයිතිය මහජන දේපලක් වන බැවින් ඒවා අපහරණය කිරීම නීතිවිරෝධී යැයි කී හෙතෙම ඊට එරෙහිව පියවර ගැනීමට මැතිවරණ කොමිසමට බලය ඇතැයි අවධාරණය කළේය.

මේ අතර මැතිවරණ කොමිෂන් සභාවේ සභාපති මහින්ද දේශප්‍රිය ජනාධිපතිවරණ සමයේ මාධ්‍ය හැසිරෙන අකාරය ගැන පසුගිය 17 වැනිදා පැවැත් වූ මාධ්‍ය හමුවකදී තම දැඩි කණස්සල්ල පළකළේය

මහින්ද දේශප්‍රිය මහතා එහිදී රුපවාහිනී ආයතනවල නම් සඳහන් නොකර එක් එක් අපේක්ෂකයාට ලබාදී තිබෙන ප්‍රචාරණ කාලය ගැන ප්‍රස්ථාර ඇසුරෙන් කරුණු දක්වා මාධ්‍ය සමබරව කටයුතු නොකළහොත් ඒ පිළිබඳව දැඩි ක්‍රියාමර්ග ගැනීමට සිදුවන බවට අනතුරු ඇඟවීමක්ද කළේය.