(එෆ්.අස්ලම්)
 
පාර්ලිමේන්තු මහ මැතිවරණ සමයේ සිදුවන මැතිවරණ ප්‍රචන්ඩ ක්‍රියා සහ මැතිවරණ නීති උල්ලංඝනය කිරීම් පිළිබඳ පැමිණිලි කිරීම සඳහා මැතිවරණ ප්‍රචණ්ඩ ක්‍රියා නිරීක්ෂණ මධ්‍යස්ථානය විසින්  දුරකතන අංක කිහිපයක් හඳුන්වා දී තිබේ.
 
දිවයිනේ සියලු පළාත්වල සිදුවන මැතිවරණ  ප්‍රචන්ඩ ක්‍රියා පිළිබද  තොරතුරු දැනුම් දීම සදහා  දුරකතන අංක කිහිපයක් ද හඳුන්වා දී ඇතැයි මැතිවරණ ප්‍රචණ්ඩ ක්‍රියා නිරීක්ෂණ මධ්‍යස්ථානයේ මෙහෙයුම් කළමණාකාර හිරන්ත ඉසුරංග මහතා පවසයි. 
 
ඒ අනුව බස්නාහිර පළාතේ තොරතුරු 0112826387, උතුරු පළාතේ තොරතුරු 0112826381, උතුරු මැද - 0112826180, වයඹ - 0112826151, සබරගමුව - 0112826152, නැගෙනහිර පළාතේ තොරතුරු - 0112826383, මධ්‍යම - 0112826386, දකුණ - 0112826380 යන අංක මගින් පළාත් සම්බන්ධීකාරකවරුන් අමතා  දැනුවත් කළ හැක.
 
බදුල්ල හා මොණරාගල දිස්ත්‍රීක්වල සිදුවන ප්‍රචණ්ඩ ක්‍රියාවන් සම්බන්ධයෙන් තොරතුරු 0112826385 අංකයට හෝ  0767010028 අංකයට  දැනුම් දිය හැක.
 
ලැබෙන  පැමිණිලි සහ තොරතුරුවල රහස්‍යභාවය රකින බවත් ප්‍රචණ්ඩ ක්‍රියා  වැළක්වීම සදහා මැතිවරණ  කඩිනම් පියවර ගන්නා බවත් මැතිවරණ ප්‍රචණ්ඩ ක්‍රියා නිරීක්ෂණ මධ්‍යස්ථානයේ ජාතික සම්බන්ධීකාරක මංජුල ගජනායක මහතා  පවසයි.