මගීන් 127 රැගත් ගුවන් යානයක් බොලීවියා ගුවන් තොටුපොළේදී අනතුරට ලක්ව ඇත.
 
බොයිං 737 වර්ගයේ ගුවන් යානයක් ගුවන් පථයට ගොඩබෑමේදී ගුවන් පථයෙන් ඉවතට ලිස්සා යෑමෙන් මෙම අනතුර සිදුව ඇත. 

ගුවන් යානයේ මඟීන් 122 ක් සහ කාර්ය මණ්ඩලය 5ක් සිට ඇති අතර ඔවුනට කිසිදු අනතුරක් සිදු වී නැත.

එරට වේලාවෙන් උදෑසන 10.00 ට පමණ මෙම සිදුවීම සිදු වී ඇත.

ගුවන් නියමුවන්ගේ උදව් ඇතිව ගුවන් යානය ගුවන් පථයෙන් ඉවත් කර ඇති අතර අනතුරින් පසුව අලුත්වැඩියා කිරීම සඳහා ගුවන් පථය වසාදමා ඇති  බව බොලීවියා බලධාරීන්  සඳහන් කරයි.

ගුවන් යානය තුළ කිසිදු ගැටලු වාර්තා වී නොමැත අතර ගුවන් යානය ගුවන් තොටුපොළ වෙත ළඟාවීමේදී කිසිදු අනතුරු ඇඟවීමක් සිදු නොකළ බව මගීහු දේශීය මාධ්‍ය වෙත පවසූහ.

අනතුරට හේතුව මෙතෙක් අනාවරණය වී නොමැති අතර විමර්ශණ කටයුතු සිදුකරන බව ගුවන් සමාගම ප්‍රකාශ කළේය.  

( 63226  ) (බීබීසී ඇසුරෙනි )