(ප්‍රියාණි මංගලිකා )

කොබෙයිගනේ  බුලන වැවේ ජලජ ශාඛ  ඉවත් කිරීමට ගොස් අතුරුදන් වූ පුද්ගලයාගේ  සිරුර නාවික හමුදා කිමිදුම් කණ්ඩායම් අද  (18)  පෙරවරුවේ ගොඩ ගැණුන බව කොබෙයිගනේ පොලීසිය පැවසීය.

බුලන වැවේ මඩේ එරීමෙන් මෙසේ මියගොස් සිටි අය නොබෙයිගනේ ප්‍රදේශයේ පදිංචි සුගත් රෝහන අමරසිංහ (46) නැමති තිදරු පියෙකු බවට හඳුනාගෙන ඇති බවද පොලීසිය සඳහන් කලේය .

බුලන වැව කලක සිට ජපන් ජබර ශාඛ වලින් වැසී යාම හේතුවෙන් ගමේ පිරිසක්ද සමග බැකෝ යන්ත්‍රයක්ද උපයෝගී කරගනිමින් මෙම පුද්ගලයාද වැව පිරිසිදු කිරීමේ නිරත වෙමින් සිටියදී ,ජලජ ශාඛ ඇදීමට ගැඹුරු දියට ගිය අවස්ථාවේ අතුරුදන්ව ඇති අතර කොබෙයිගනේ පොලීසිය විසින් නාවික හමුදා කිමිදුම් නිලධාරීන් යොදවා සිරුර ගොඩගෙනඇත.
සිරුර පිළිබඳව වූ හදිසි මරණ පරීක්ෂණය නිකවැරටිය මූලික රෝහලේදී අද ( 18)  සිදු කිරීමට නියමිත තිබු අතර සිද්ධිය සම්බන්ධයෙන් කොබෙයිගනේ පොලීසිය වැඩිදුරටත් පරීක්ෂණ සිදු කෙරේ.