(තිලකරත්න දිසානායක)

ගම්පහ, බෙම්මුල්ල  ප්‍රදේශයේ පිහිටි මහා පරිමාණයේ පොල් තෙල් නිෂ්පාදනාගාරයකට අද (9) අලුයම ඇතිවූ ගින්නකින් එම ආයතනය මුළුමණින්ම දැවී ගොස් ඇතැයි පොලිසිය පවසයි.

ගම්පහ මහ නගර සභාවේ ගිනි නිවීමේ ඒකකය,බෙම්මුල්ල සහ ගම්පහ පොලීසිය හා යුද හමුදා වේයන්ගොඩ කඳවුරේ නිලධාරීහු ගින්න නිවා දැමීමට කටයුතු කරමින් සිටිති.

රන්දෙනිය ඉන්ටර්නැෂනල් ආයතනයෙහි මෙසේ ගින්න සිදුවූ අතර මෙම කර්මාන්ත ශාලාව මගින්  සුදු පොල්තෙල් විදේශ රටවල් ගණනාවකටම ආනයනය කෙරේ.

ගින්න සිදුවන අවස්ථාවේදී අපනයනය කිරීම පිණිස විශාල ප්‍රමාණයක සුදු පොල්තෙල් සකස් කර තිබී ඇති අතර ගින්නෙන් රුපියල් කෝටි ගණනක හානියක් සිදුව තිබිණි. 

ගින්න මැඩපැවැත්වීමට ගම්පහ මහ නගර සභාවේ ගිනි නිවීම් රථ සහ ජල බවුසර් 10 ක් යෙදවූ බව ගම්පහ පුරපති එරංග සේනානායක මහතා පැවසු අතර බෙම්මුල්ල පොලීසිය පරීක්ෂණ අරඹා ඇත.