(විනීතා එම් ගමගේ)
සුපිරි වෙළෙඳසැල් ඇතුළු වෙළඳ සැල්වලින් මසකට කෝටි හතරකට අධික පොලිතින් බෑග් ප්රමාණයක් නොමිලේ නිකුත් කෙරෙන බව හෙළිවී තිබේ.
මෙම පොලිතින් බෑග් දිරා යන ඒවා බව පවසන නමුත් එයින් අති බහුතරයක් දිරා නොයන සාමාන්ය පොලිතින් බව පරිසරවේදීහු පවසති.
මේවා බොහොමයක් එක් වතාවක් පමණක් භාවිතා කර ඉවත ලන ඒවා බැවින් එයින් අඩකටත් වැඩි ප්රමාණයක් එක් වරක් භාවිතා කර ඉවතලන බව ද ඔවුහු කියති.
මෙසේ නොමිලේ බෙදා හැරෙන පොලිතින් බෑග් නිෂ්පාදන දිරා යන්නට වසර 500 කට අධික කාලයක් ගත වන බැවින් සුපිරි වෙළඳසැල්වලින් නොමිලේ ලබා දෙන පොලිතින් කවර ප්රතික්ෂේප කරන ලෙසත් වෙළඳපොලට යනවිට නැවත භාවිතා කළ හැකි මල්ලක් රැගෙන යන ලෙසත් පරිසරවේදීහු ජනතාවගෙන් ඉල්ලා සිටිති.
එමෙන්ම දැනට තහනමට ලක්ව ඇති පොලිතින් වර්ග නිපදවන අමු ද්රව්ය තහනම් කර නැති නිසා එම පොලිතින් නිපදවීම වැළැක්වීම අසීරු වී ඇතැයි ද ඔවුහු පෙන්වා දෙති.
දිරා නොයන පොලිතින් අති විශාල තොගයක් නිරන්තර පරිසරයට එක් වීම ගැන වහා බලධාරින් පියවර ගත යුතු බව ද පරිසරවේදීහු තව දුරටත් පෙන්වා දෙති.
COMMENTS
Reply To:
Sisira - cb chds hcdsh cdshcsdchdhd
හැම දේකටම බදු ගහන එකේ ඇයි මේකට විතරක් බදු අඩු... ගාන වැඩිනම් ඉබේම පාවිච්චිය අඩුවෙනවා. හැබැයි සම්පූර්ණයෙන් තහනම් කරන එක ප්රායෝගික නෑ.
නොමිලේ පාරට දානවා කොකාකෝලා, පෙප්සි, වතුර බෝතල්.... ලංකාව ලෝකේ අංක පහට ඉන්න ප්ලාස්ටික් පරිසර දුෂකයෙක්... රට කරවන අයට වගේවගක් නැහැ. සුපිරි වෙළඳසල් සුපිරියට පරිසරය විනාශ කරන්න අතදෙනවා.
මෙම උවදුර වහාම තහනම් කල යුතුය. එවිට ජනතාව විකල්ප තෝරාගනු ඇත. තැන තැන බීම පැකට්, කිරී පැකට්, බිස්කට් දවටන දමන්නන්ට දඩ නියම කල යුතුය. මගතොටේදී ඒවා භාවිතා කරනවුන් ඒවා තම නිවසට ගෙනගොස් සෞඛ්ය ආරක්ෂිතව පරිසර හිතකාමිව පිලිස්සීමට උදුන් හඳුන්වාදීය යුතුය.
ඒවාගෙන් කොත්තු රොටි නිෂ්පාදනය කිරීමට පුළුවන් දැයි සොයා බැලීම සඳහා විදේශ සමාගමකින් විශේෂඥයින් ගෙන්වා, ඔවුන්ගෙන් සක්යතා වාර්තාවක් ලබා ගමු. එවැනි ව්යාපෘතියක් ආරම්භ කළොත් විරැකියාවට සහනයක් ලැබෙන්නත් පුළුවනි.
මේවා ප්රතිචක්තිකරණය කිරීමට දැන්වත් ඉක්මන් තීරණ ගත යුතුයි. සමහර රටවල අසුචි පවා ගෑස් වලට පරිවර්තනය කර වාහන දුවනවා....