(බිමල් ශ්යාමන් ජයසිංහ)
රාජගිරිය ඔබේසේකරපුර දී පොලිස් සැරයන්වරයකු මෝටර් රථයේ බොනට්ටුව මත තබා කිලෝ මීටර් කීපයක් දුරට රැගෙන ගිය කුඩු ජාවාරම්කරුගේ බිරිය ගංජා සමග උඩහමුල්ල නිවසේදී අත්අඩංගුවට ගත් බව කොළඹ අපරාධ කොට්ඨාසය කියයි
සැකකාරිය සන්තකයේ තිබී ගංජා ග්රෑම් 400 ක් පොලිස් භාරයට ගෙන ඇත
අධිකරණයේ අවසරය මත කොළඹ අපරාධ කොට්ඨාසයේ නිලධාරීන් බන්ධනාගාරය වෙත ගොස් , ප්රධාන ජාවාරම්කරු හා රියදුරුගෙන් පැය හතරකට ආසන්න කාලයක් ප්රකාශ ලබා ගැනීමෙන් අනතුරුව අනාවරණය කර ගත් තොරතුරු අනුව නිවස දැඩි පරීක්ෂාවට ලක් කෙරිණි
එම තොරතුරු අනුව පොලිස් නිලධාරීන් උඩහමුල්ල වැටකෙවිල පාර ඉඳිකරමින් පවතින සුඛෝපභෝගී නිවස පරික්ෂා කිරීමේදී දෙවන මහලේ සඟවා තිබූ ගංජා හමු වූ බව් ඒ අනුව සැකකාරිය අත්අඩංගුවට ගත් බවත් පොලිසිය කියයි
COMMENTS
අනේ මන්දා ඉතින්..
පොලිසියට සාක්ෂි ඇති කරන්නත් පුළුවන් නැති කරන්නත් පුළුවන්
අපරාධකරුවන් ගේ පවුල් වල සාමාජිකයන්ට කරන පහත් වැඩ නවත්වන්න නව නීති සකස් වන නව ආණ්ඩුක්රමයක් පැමිණිය යුතුයි.
පවුලේ අයත් දැනුවත්ව හා එයාලත් එකතු වෙලා තමයි මේවා කරන්නේ... අහිංසක මෝඩ පවුල් පිටින් විනාශ කරන්නේ...
ඔයාල හොඳට හොයල බලන්න, ලංකාවේ වැඩිපුරම මත් කුඩු විකුනන්නේ ගැහැණු අය. මගේ නෑ වන පුතෙක් කුඩු වලට ඇබ්බැහි වුණා, කුඩු එන්නේ එයාගේ යාලුවාගේ අක්ක හරහා කොළඹ ඉඳලා ගමට එවන්නේ අක්කා. පළවෙනියට යාලු වෙනවා, කන්න බොන්න,ගෙදර එන්න ගන්නවා. හොඳට යාලු වුනාට පස්සේ, හෙමිහිට යෝජනාව ගෙනෙනවා කුඩු,ගංජා බොන්න. එතකොට සමාජය ගැන හරි හැටි අවබෝධයක් නැති ළමයින් මේවට අහුවෙනවා, කාටවත් කියන්න ලැජ්ජයි, බයයි ඒවා නිසා බාහිර සහය නැතිවෙනවා. පළමුව කරන්නේ නොමිලේ දෙන එක. දෙවනුව කරන්නේ සල්ලි වලට දෙන එක ,සල්ලි නැති වුනහම කරන්නේ මත්කුඩු එහා මෙහා ගෙනයන්න උදව් ගන්න එක. ගොඩක් පුරුක් වල උඩින්ම පිරිමියා සහ ඔහුගේ බිරිය/ හිතවතිය ඉන්නවාමයි.