පැයකට වැඩි කාලයක් පොළොන්නරුවේ විදුලිය ඇණහිටීම නිසා පොළොන්නරුව රාජකීය විද්‍යාලයේදී පැවැත්වෙමින් තිබෙන සමස්ත ලංකා පාසල් චෙස් තරගාවලියට ඉදිරිපත්ව සිටින පාසල් දරු දැරියෝ මහත් අපහසුතාවට පත්ව සිටිති.

ඊයේ (01 වැනිදා) ආරම්භ වූ මෙම තරගාවලියේ අවසන් වටයේ තරග දැන් පැවැත්වෙමින් තිබෙන අතර තරගාවලියේ ත්‍යාග ප්‍රදානෝත්සවය ජනාධිපති මෛත්‍රීපාල සිරිසේන මහතාගේ ප්‍රධානත්වයෙන් හෙට (ඉරිදා) පැවැත්වීමට නියමිතය.

මෙම තරගාවලිය වයස 9 න් පහළ සිට වයස 19 න් පහළ දක්වා වයස්කාණ්ඩ වලින් පැවැත්වෙන අතර පාසල් සිසු සිසුවියෝ 1000 කට වැඩි පිරිසක් සමග ඔවුන්ගේ මව්පියෝද පොළොන්නරුවට පැමිණ සිටිති.