IMG-LOGO

පොලිස් විශේෂ විමර්ශන ඒකකයේ සැඟවුණ 4 දෙනා සොයයි

(ක්‍රිෂාන්ජීවක ජයරුක්)

රත්ගම බූස්ස රත්න උදාගම ප්‍රදේශයේ ව්‍යාපාරිකයින් දෙදෙනෙකු පැහැරගෙන ගොස් ඝාතනය කර පුලුස්සා දැමීමේ සිද්ධිය සම්බන්ධයෙන් පරීක්ෂණ පැවැත්වෙන අතරතුරදී පැනගොස් සැඟවී සිටින දකුණු පළාත් ජ්‍යෙෂ්ඨ නියෝජ්‍ය පොලිස්පති විශේෂ විමර්ශන ඒකකයේ පොලිස් කොස්තාපල්වරු සිව්දෙනා සම්බන්ධයෙන් පරික්ෂණයක් ආරම්භ කර ඇති බව උසස් පොලිස් නිලධාරියෙකු පැවසීය.

ඔවුන් මෙම ද්විත්ව ඝාතනයට සම්බන්ධ වූයේ දැයි රහස් පොලිස් පරීක්ෂණ දැනටමත් ආරම්භ කර තිබේ.

ඉකුත් 22වැනිදා උදෑසන එම ඒකකයේ පොලිස් කොස්තාපල්වරුන් පස් දෙනෙකු රාජකාරී ස්ථානයට නොදන්වා අනවසරයෙන් පිටව ගොස් තිබු අතර පසුව එක් කොස්තාපල්වරයෙකු පමණක් නැවත සේවයට වාර්තා කර තිබුණි.

ඇතිවු මානසික පීඩනය හේතුවෙන් එසේ නිවසට ගොස් නැවත පැමිණී බව අදාල කොස්තාපල්වරයා පවසා තිබේ.

අදාල පොලිස් කොස්තාපල්වරුන් පස් දෙනා ඇතුළුව එම ඒකකයේ 15 දෙනෙකු පොලිස්පති පූජිත් ජයසුන්දර මහතා විසින් දකුණු පළාතෙන් පිටත පොලිස් ස්ථාන වෙත වහා ක්‍රියාත්මක වන පරිදි මාරු කර යවා තිබෙන අතර ඊට අදාල පණිවුඩය ලබා දීමට ඔවුන් සොයන අවස්ථාවේදී ඒ ගැන හෙළිවී ඇත.

ඒ අනුව ඔවුන් නොදන්වා රාජකාරි ස්ථානයෙන් බැහැරව ගොස් ඇති බවට පොලිස් පණිවුඩ මගින් දැනුම් දී තිබුණි.

බොහෝ විට ඔවුන් පොලිස් සේවය හැර ගියා සේ සලකා ඉදිරි ක්‍රියාමාර්ග ගනු ඇති බව මාතර ප්‍රදේශයේ උසස් පොලිස් නිලධාරියෙකු පැවසීය.

රත්ගම බූස්ස රත්නඋදාගම ප්‍රදේශයේ ව්‍යාපාරිකයින් දෙදෙනා ඉකුත් ජනවාරි මස 23 වැනි දින පැහැර ගැනීම සඳහා පොලිස් නිල ඇඳුමින් සැරසුණු 13 දෙනෙකු නිල නොවන ආකාරයට සහභාගී තිබෙන බව රහස් පොලිස් පරික්ෂණ වලදී අනාවරණයවී ඇත.

ඔවුන් අතරින් පොලිස් නිලධාරීන් හත් දෙනෙකු මෙම අපරාධයට සෘජු ලෙස සම්බන්ධවී තිබෙන බවද පරික්ෂණවලදී හෙලිවී තිබේ.



අදහස් (6)

පොලිස් විශේෂ විමර්ශන ඒකකයේ සැඟවුණ 4 දෙනා සොයයි

පිටිගල මිලානෝ Sunday, 24 February 2019 10:04 AM

සැඟවී මිනීමැරුමකින් බේරෙන්න බැරි බව රාළහාමිලා වෙලත් දන්නේ නැද්ද? අනේ අපි නම් දන්නවා.

:       0       50

isurandi Sunday, 24 February 2019 10:37 AM

මොකක්ද හේතුව මේ ඝාතන අවනඩුවට?

:       0       16

de silva berlin Sunday, 24 February 2019 11:10 AM

මේ 13 දෙනාම අත්අඩංගුවට ගත්තේ නැත්තේ මොකද? අඩුම තරමේ පරීක්ෂණ නිම වනතුරු අනිවාර්ය නිවාඩු අරින්න තිබුණා. මෙවැනි සැකකරුවන් පොලිස් නිලධාරීන් ලෙස ස්ථානමාරුවක් පමණක් දී සේවයේ යෙදවීම හරිද? දැන් මිනීමැරුමට සම්බන්ධ 4 දෙනෙක් පැනලා ගිහින්, හරි නම් පොලිස්පති ඉල්ලලා අස්වෙන්න ඕනේ.., මේක විශාල වරදක්

:       13       227

de silva berlin Sunday, 24 February 2019 12:38 PM

මේ මනුෂ්‍යයින් දෙන්නා මේ විදිහට පැහැරගෙන ගිහින් මරලා ඩීසල් දමා ඇටකැබලිත් අළු වෙන තරමට පුළුස්සා දමන්න හේතුව කුමක්ද? මෙතන අපි නොදන්න විශාල අභිරහසක් තිබෙනවා...

:       1       101

පිටිගල මිලානෝ Sunday, 24 February 2019 03:29 PM

ජයවර්ධනපුර රෝහලේ හංගගෙන එහි අධ්‍යක්ෂක මණ්ඩලයත් මාරුකරලා හොරෙන්ම සිංගප්පුරුවේ හංගපු මිනීමරුවත් අද එල්ලන දිනය එන තෙක් හිරගෙදර අච්චු විඳිනවා. ඉතින් මේ අය ගැන කවර කතාද?

:       0       237

nishan Monday, 25 February 2019 06:30 AM

පොලිසියට අනවශ්‍ය ලෙස බලතල ලබා දීම නොකළ යුතු දෙයකි. එසේ කිරීමෙන් මෙවන්දේ සිදුවිය හැකිය. කතාවටත් කියන්නේ පොලිසිය ගොරකත් දඩමස් කරනවා කියලා

:       0       2

ඔබේ අදහස් එවන්න

 

 
 

මේවාටත් කැමතිවනු ඇති

ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි 2025 ජුලි මස 04 78 0
ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි

ශ‍්‍රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර

ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි 2025 ජුලි මස 01 501 1
ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි

ශ්‍රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික

ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන  හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES 2025 ජුනි මස 26 932 0
ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES

එදා මෙදාතුර ශ්‍රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම

Our Group Site