(බිමල් ශ්‍යාමන් ජයසිංහ)

පොලිස් සංස්කෘතික අංශයේ නර්තන ශිල්පී කණ්ඩායම බවට පවසා රැපිඩ් ඇන්ටිජන් පරීක්ෂාවට යොමු කළ පිරිසකගෙන් එක් අයකුට කොරෝනා වයිරසයට ආසාදනය වී ඇති බවට තහවුරු වීමත් සමග ඔහුගේ තොරතුරු රැස්කිරීමේදී එම ආසාදිතයා නර්තන කණ්ඩායමට අයත් නොවන පිටස්තර පුද්ගලයකු බවට අනාවරණය වී ඇතැයි පොලිස් ආරංචි මාර්ග සඳහන් කරයි.

උසස් පොලිස් නිලධාරියකු නම් කළ දහ අට දෙනකුගෙන් යුත් නර්තන කණ්ඩායම රැපිඩ් ඇන්ටිජන් පරීක්ෂාව සඳහා යොමු කර ඇත.

කතරගම පෙරහරේ නර්තන කණ්ඩායම් කීපදෙනකුට කොරෝනා වයිරසය ආසාධිත වීම හේතුවෙන් පොලිස් සංස්කෘතික අංශයේ පහත රට නර්තන කණ්ඩායම ඒ සඳහා ඉල්ලා තිබූ බව එම ආරංචි මාර්ග වලින් පැවසේ

එම පිරිස ඒ සඳහා පිටත්ව යාමට පෙර නාරාහේන්පිට පොලිස් රෝහලේ දී රැපික් ඇන්ටිජන් පරීක්ෂාවක් සිදුකර ඇති අතර එයින් අයකුට වෛරසය ආසාදිත වී ඇති බවට තහවුරු විය.

එම පුද්ගලයාට ප්‍රතිකාර ලබාදීම සඳහා තොරතුරු රැස් කිරීමේදී පොලිස් නිලධාරියකු නොවන බවට අනාවරණය වීමත් සමඟම උසස් පොලිස් නිලධාරියාගේ අත්තනෝමතික ක්‍රියාව අනාවරණ වී ඇතැයි එම ආරංචි මාර්ග සඳහන් කරයි