2023 පෙබරවාරි මස 04 වන සෙනසුරාදා
(හිරාන් ප්‍රියංකර ජයසිංහ)
මාරවිල හාල්පන්විල මංසන්ධියේ පිහිටි පොල් ආශ්‍රිත නිෂ්පාදන කර්මාන්ත ශාලාවක ගොඩනැගිල්ලක් අද(18) ගිනිගෙන විනාශ වී ඇති බව මාරවිල පොලිසිය පවසයි.
ගින්න පැය පහකට ආසන්න කාලයක් පැවතුණු බව පොලිසිය කියයි.
හලාවත සහ මීගමුව නගර සභාවල ගිනි නිවන ඒකක, නාත්තන්ඩිය ප්‍රාදේශීය සභාව, මාරවිල පොලීසිය හා කර්මාන්තශාලාවේ සේවකයන් හා ප්‍රදේශවාසීන් එක්ව මහත් පරිශ්‍රමයක් යොදා ගින්න මැඩ පැවැත්වූ බව පොලිසිය කියයි.
ගින්නෙන් යන්ත්‍රසූත්‍ර හා ගබඩා කර තිබූ පොල්තෙල් විනාශ වී ඇති අතර, සිදුවූ අලාභය රුපියල් කෝටි ගණනක් බව පොලිසිය පවසයි.
ගින්නට හේතුව මෙතෙක් නිශ්චිතව අනාවරණය වී නොමැති අතර විදුලි කාන්දුවීමක් මීට හේතුව බව සැකකරයි.
සිද්ධිය සම්බන්ධව මාරවිල පොලීසිය විමර්ශන පවත්වයි.
