රටේ ඇතිවෙමින් පවතින අර්බුදකාරී දේශපාලන වාතාවරණය ගැන පාර්ලිමේන්තුවේදී සාකච්ඡා කළ යුතු බැවින් කඩිනමින් පාර්ලිමේන්තුව කැඳවන ලෙස ජනතා විමුක්ති පෙරමුණේ මන්ත්‍රීවරු ලිපියක් මගින් කතානායක කරු ජයසූරිය මහතාගෙන් ඉල්ලීමක් කරති.
 
අනුර දිසානායක, විජිත හේරත්, නිහාල් ගලප්පත්ති, නලින්ද ජයතිස්ස, සුනිල් හඳුන්නෙත්ති සහ බිමල් රත්නායක යන පාර්ලිමේන්තු මන්ත්‍රීවරුන් එම ලිපියට අත්සන් තබා ඇත.
 
රට තුල ඇතිවෙමින් තිබෙන අර්ජුදකාරී දේශපාලන වාතාවරණය රටටත්, ජනතාවටත් කිසිසේත්ම හිතකර නොවන බව ද ජනතා විමුක්ති පෙරමුණ සඳහන් කරයි. ඇතිවෙමින් පවතින තත්ත්වය රටට එරෙහි විදේශීය බලවේගවලට ද අනියමින් වාසියක් වන බව ද , රටේ පරමාධිපත්‍ය නියෝජනය කළ යුතු වන රටේ ප්‍රධානම ආයතනය වන පාර්ලිමේන්තුවේදී කඩිනමින් එය සාකච්ඡා විය යුතුව ඇති බව ද, පාර්ලිමේන්තු සැසිය කල් තැබීම රටේ ප්‍රජාතන්ත්‍රවාදයට හිතකර නොවන බව ද ජනත විමුක්ති පෙරමුණ කතානායකවරයාට යැවූ ලිපියේ සඳහන් කර තිබේ.
 

(28535)