(එම් .සුසිල් ප්‍රියන්ත)

බලපිටිය ප්‍රාදේශීය සභාවෙන් සිය ගම්මානයට බැහැර කරනු ලබන කැළි කසළවලින් තමන්ගේ සෙඛ්‍යයට බලවත් තරජනයක් වී ඇතැයි කියමින් ඇදිරිනීතියද නොතකා බලපිටිය ගිනිගල්ගොඩ ප්‍රදේශවාසීන් අද (15 ) පස්වරුවේදී නිවෙස්වලින් එලියට බැලීමත් සමගම ගම්මානයේ දැඩි උණුසුම් වාතාවරණයක් ඇතිවිය.

මේ තත්වය පාලනය කිරීමට අහුන්ගල්ල පොලිස් ස්ථානයේ නිලධාරීන්ට එම ස්ථානයට පැමිණිමටද සිදුවිය.

සිය ගම්මනයේ ඉඩමකට බලපිටිය ප්‍රාදේශීය සභාවෙන් දිනපතාම එකතුකරන කැළි කසළවලින් හමන දුර්ගන්ධයෙන් තමන්ට නිවෙස්වල සිටීමට බැරි බව පවසමින් ගම්වාසීහු ඇදිරිනීතියද නොතකා සිය නිවෙස්වලින් බැහැරව පාරට බැස්සෝය .

මේ සමගම බලපිටිය ගිනිගල්ගොඩ ගිනියම්වීමට ගතවූයේ නිමේෂයකි. මේ ගද උසුලා මියයනවාට වඩා කොරෝනා වැලදීමෙන් මිය යන එක හොදයි කියමින් මේ ගම්වාසීහු පාරට බැස්සේ කොරෝනා නීතිය ගැනද නොතකමින්‍ ය.

මේ තත්වය පාලනය කිරීමට අහුන්ගල්ල පොලීසිය නොපමිණියේ නම් තත්වය තවත් බැරැරුම්වීම නොවැළැක්විය හැකිය .

මේ සදහා බලපිටිය ප්‍රාදේශීය සභාවේ අවධානය යොමුකිරීමට අහුන්ගල්ල පොලීසිය කටයුතු කරන බව දැන්වීමෙන් පසු ජනතාව යළිත් සුපුරුදු පරිදි ඇදිරිනීතිය රැකීමට යළි නිවෙස් කරා ගියහ.

බලපිටිය ප්‍රාදේශිය සභාවේ සභාපති එන් .සමන් ද සිල්වා මහතාගෙන් මේ පිලිබදව විමසූවිට ඔහු කීවේ මේ පිලිබදව හෙට උදේම (16 )සොයා බලා ඊට විසදුමක් ලබාදීමට කටයුතු කරන බවයි.