පෙබරවාරියේදී වගා සංග්‍රාමයක්

(සුජිත් හේවාජුලිගේ )

රටපුරා ගෙවතු වගා සංග්‍රාමයක් ලබන පෙබරවාරි මාසයේදී අරඹන බව කෘෂිකර්ම අධ්‍යක්ෂ ජනරාල් ආචාර්ය අජන්ත ද සිල්වා මහතා ලංකාදීපයට පැවැසීය.

මෙම වැඩපිළිවෙල මුදල් අමාත්‍යාංශයේ උපදෙස් සහ විශේෂ ප්‍රතිපාදන යටතේ කෘෂිකර්ම අමාත්‍යාංශයේ සහ වැවිලි කර්මාන්ත අමාත්‍යාංශයේ මූලිකත්වයෙන් ආරම්භ කෙරෙන බවද හෙතෙම සඳහන් කළේය.

ගෙවතු වගාව සඳහා පර්චස් 20 ට අඩු ගෙවත්තකට රුපියල් 5000ක්ද පර්චස් 20 ට වැඩි අක්කරයකට අඩු ගෙවත්තකට රුපියල් 10,000ක්ද ලබාදීමට රජය පසුගියදා තීරණය කළේය.

මේ අතර එළවලු මිල තවත් සති කිහිපයකින් පමණ අඩු වනු ඇතැයි පැවසූ ආචාර්ය අජන්ත ද සිල්වා මහතා රජය බෙදා දුන් ඇට වර්ග පැළවීමෙන් ලැබෙන අස්වැන්නද ඉදිරි කාලයේදී වෙළෙඳපොළට පැමිණෙනු ඇතැයි විශ්වාසය පළ කළේය.

ගෙවතු වගා සඳහා රජය දැනටමත් ලබා දී ඇති ඇට ප්‍රමාණය මිලියන 2.5 කි.

එළවළු මිල ඉහළ යෑමට එක දිගට බල පැවැත්වුණු දේශගුණික තත්වයද හේතුවූ බව කෘෂිකර්ම අධ්‍යක්ෂ ජනරාල්වරයා වැඩිදුරටත් කීවේය.

අදහස් (7)

පෙබරවාරියේදී වගා සංග්‍රාමයක්

Rohan Wednesday, 12 January 2022 05:26 PM

මඤ්ඤොක්කද?

: 2 15

ගොවිරාළ Wednesday, 12 January 2022 05:47 PM

ගෙවතු වගාවට කැමති මම නම් කිසිම දේශපාලන පක්ෂයක ගම් මට්ටමේ ශාඛා සමිතියක සාමාජිකයෙක් නොවෙයි හොඳේ. එ් නිසා දැනුවත් කිරීම් ගමේ දේශපාලුවන් හරහා නොකළොත් පමණක් සාර්ථක වේවි. දැන්වීම් බල බලා ඇවිදින්න වෙලාවකුත් මට නැහැ. ගමකට එකා ගණනේ සිටින ගොවිතැන සම්බන්ධ නිලධාරියෙක් ඇවිත් විස්තර දුන්නොත් සලකා බලන්නම්...

: 0 10

sampath Wednesday, 12 January 2022 06:18 PM

කථාව වගේද වැඩ අපි බලාගෙන ඉන්නව

: 0 0

Kumar (Kumar) Wednesday, 12 January 2022 11:48 PM

කටින් බතල කොළ හිටවනවා.

: 0 0

Manjula Thursday, 13 January 2022 07:44 AM

දේශීය බීජ ලබාදෙන්නේ නැත.

: 0 0

LGPJ Thursday, 13 January 2022 09:01 AM

එය එසේ වුවහොත් මුළු ගම්මානයම යෝධ ව්‍යසනයකට පත්වීමට ඉඩ ඇත !!!!!

: 0 0

de silva Thursday, 13 January 2022 10:13 AM

ලංකාවේ වගාව දියුණු කරන්න නම් නිකන් ඉඳන් පින් පඩි ගන්න කෘෂි නිලධාරියෝ සියල්ල ගෙදර යවන්න.

: 0 0