(හිරාන් ප්‍රියංකර ජයසිංහ)
 
පුත්තලම දිස්ත්‍රික් ලේකම් කාර්යාලේ යටතේ ඇති දිස්ත්‍රික් මැතිවරණ හා ඉඩම් රෙජිස්ට්‍රාර් කාර්යාල වසා දැමු බව පුත්තලම දිස්ත්‍රික් ලේකම් චන්ද්‍රසිරි බංඩාර මහතා (16) දින පැවසිය.
 
දිස්ත්‍රික් ලේකම් චන්ද්‍රසිරි බංඩාර මහතා පවසා සිටියේ කොවිඩ් 19 ආසාධිතයකු දිස්ත්‍රික් මැතිවරණ කාර්යාලයේ නිළධාරියකු ඇසුරු කිරිමත් සමඟ සෙසු නිළධාරින්ගේ හා ජනතාවගේ ආරක්ෂාව වෙනුවෙන් මෙම කාර්යාල  අද 16 දින සිට වසා දැමු බවයි.
 
පුත්තලම තිල්අඩිය පදිංචි මැතිවර්ණ කාර්යාලයේ නිළධාරියකු මෙසේ කොවිඩ් ආසාධිතයකු ඇසුරු කර ඇති බවත් මේ හේතුවෙන් අදාල නිළධාරියා ජෛව පටල සාම්පල පරික්ෂාවකට යොමු කර සනාථ කර ගන්නා තුරු මෙම කාර්යාල වසා දමන බවද දිස්ත්‍රික් ලේකම් වරයා පැවසිය.
 
අදාල කාර්යාල වසා දැමිමට පෙර අදාල කාර්යාල ඒකක විෂබිජ හරණය සිදුකිරිමට කටයුතු කර තිබුණි.
 
දිස්ත්‍රික් ලේකම් වරයා පවසා සිටියේ දිස්ත්‍රික් මැතිවර්ණ ඒකකය වසා දැමිමත් සමග එම කාර්යාල ආසන්නයේම පිහිටි දිස්ත්‍රික් ඉඩම් රේජීස්ට්‍රාර් කාර්යාලයද වසා දමා තිබුනේ අදාල නිළධාරියා එම ඉඩම් අංශයේ නිළධාරින් ද ඇසුරු කිරිම සැලකිල්ලට ගනිමින් බව දිස්ත්‍රික් ලේකම් වරයා පැවසිය.