(ඉන්දිකා රාමනායක)
 
පිටකොටුව මධ්‍යම බස් නැවතුම් පොළ ඉදිරිපිට ඇති ඇපල් වෙළෙඳ සැලක සේවකයකු ඝාතනය කිරීමේ සිද්ධියක් සම්බන්ධයෙන් අද (26) පුද්ගලයන් සිව් දෙනකු අත්අඩංගුවට ගත් බව පිටකොටුව පොලිසිය කියයි.
 
සිද්ධියෙන්  මියගොස් ඇත්තේ හැටන් - දඹුලවත්තේ පදිංචි කුමාර් ඩික්සන් නැමැති  22 හැවිරිදි තරුණයකු බව පොලිසිය පවසයි.
 
මෙම සිද්ධියේ ප‍්‍රධාන සැකකරු අඹ වෙළෙඳ සැලක සේවකයකු බවද පොලිසිය පවසයි.
 
මෙම තරුණයාගේ ඇපල් තට්ටුවට යාබද සැකකරුගේ අඹ තට්ටුව තිබී ඇති බවත් ප‍්‍රධාන සැකකරු තරුණයාගෙන් ඇපල් වගයක් ගෙන මුදල් නොගෙවීමේ සිද්ධියක් සම්බන්ධයෙන් දෙදෙනා අතර ඊයේ (25) බහින් බස්වීමක් හටගෙන ඇති බවද පොලිසිය සඳහන් කරයි.
 
අලුයම 2.15 පමණ ඇපැල් තට්ටුවේ තරුණයා කිසියම් අවශ්‍යතාවයකට එම ස්ථානයට පැමිණි අවස්ථාවේ ප‍්‍රධාන සැකකරු බීර බෝතලයක් කඩා එයින් තරුණයාට ඇණ ඇති බවට තොරතුරු ලැබුණු බවද පොලිසිය පවසයි.
 
සිද්ධියෙන් බරපතල තුවාල ලැබූ තරණයා කොළඹ ජාතික රෝහලේ ප‍්‍රතිකාර ලබමින් සිටියදී මියගොස් ඇත.