පකිස්ථානයේ නිරිත දිග ක්වෙටා නගරයේ මුස්ලිම් පල්ලියක සිදු වූ පිපිරීමකින් 13 දෙනෙකු මියගොස් ඇතැයි වාර්තා වේ.

මියගිය අය අතර උසස් පොලිස් නිලධාරියෙකු සිටින බවත් 20 දෙනකුට පමණ තුවාල සිදුවී ඇති බවත් සඳහන් වේ.

පොලිසිය පවසන්නේ පල්ලියේ ඇතුළත සවිකර තිබූ ක්ෂණික පිපිරුම් උපකරණයක් මගින් මෙම පිපිරුම සිදුකර ඇති බවයි.

සිකුරාදා සවස පූජාව පැවැත්වෙන අවස්ථාවේ මෙම පිපිරුම සිදුව තිබේ. මෙය ක්වෙටාහි මෙම සතිය තුළ සිදුවූ දෙවන බෝම්බ ප්‍රහාරයයි.

තුවාල ලැබූ බොහෝ දෙනෙකු බරපතල තත්ත්වයේ සිටින බව වෛද්‍යවරු පවසති.

(රොයිටර් පුවත් ඇසුරිණි - 085)