IMG-LOGO

2024 අප්‍රේල් මස 23 වන අඟහරුවාදා


නම ලකුණ කාර්යාලයේ ප්‍රදර්ශනයට කොමිසමෙන් අවසර ඉල්ලයි

 

(බිඟුන් මේනක ගමගේ) 


මැතිවරණ කාර්යාලවල අපේක්ෂකයන්ගේ ලකුණ හා අංකය ප්‍රදර්ශනය කිරීම සඳහා අවසර දෙන්නැයි මැතිවරණ ප්‍රචණ්ඩ ක්‍රියා නිරීක්ෂණ මධ්‍යස්ථානය මැතිවරණ කොමිසමෙන් ලිඛිතව ඉල්ලීමක් අද (8) කර ඇත.


මෙවර මහමැතිවරණ ප්‍රචාරණ කටයුතුවලදී මැතිවරණ කාර්යාලවල අපේක්ෂකයන්ගේ ලකුණ හා අංකය ප්‍රදර්ශනය කිරීම තහනම් කිරීමෙන් අපේක්ෂකයන් ඡන්ද දායකයන් හා සන්නිවේදනයේ දී විශාල අර්බුදයකට පත්ව ඇති බැවින් මෙවැනි ඉල්ලීමක් කළැයි මැතිවරණ ප්‍රචණ්ඩ ක්‍රියා නිරීක්ෂණ මධ්‍යස්ථානයේ ජාතික සම්බන්ධීකාරක මංජුල ගජනායක මහතා පැවැසීය.


මුදල් බලය අවම හා ප්‍රචාරණ කටයුතු මහා පරිමාණයෙන් නොකරන අපේක්ෂකයන්ට සිය අනන්‍යතාව සන්නිවේදනයට ඇති පහසුම මග මැතිවරණ කාර්යාලයෙහි සිය ලකුණ හා අංකය ප්‍රදර්ශනය කිරීම යැයි ද නව නීතිමය තත්ත්වය නිසා බොහෝ අපේක්ෂකයන් ගැන ජනතාවට නිසි වැටහීමක් නැතැයි ද ගජනායක මහතා කීවේය.


ඒ අනුව දේශපාලන පක්ෂවලත් මහජනතාවගේත් අදහස් හා යෝජනා සැළකිල්ලට ගෙන මහමැතිවරණ ඉතිහාසයේ ගමන්මග හා අහිංසාවාදී ප්‍රචාරණ උපක්‍රමවලට අවස්ථාව දීමේ අවශ්‍යතාව අවධාරණය කරමින් දීර්ඝව කරුණු සහිතව මෙම ඉල්ලීම කළේ යැයි ඒ මහතා පැවසීය.


මෙවැනි තත්ත්වයක් උද්ගතවීමට ප්‍රධාන හේතුව මැතිවරණ කොමිසමේ සභාපතිවරයාගේ අදහස නොතකා සෙසු සාමාජිකයන් දෙදෙනා මෙවර මහමැතිවරණය පනත ප්‍රකාරවම පැවැත්විය යුතුය යන දැඩි මතයක සිටීම යැයි කී හෙතෙම එම තීරණයේ අදූරදර්ශීභාවය මේ වනවිට හොඳින් පැහැදිලිවන්නේ යැයි කීවේය. 


යාවත්කාලීන නොවූ වසර තිස් නවයක් පැරණි මැතිවරණ පනතක් යටතේ මැතිවරණ ක්‍රියාවලිය කළමනාකරණය කිරීම ගැන මැතිවරණ කොමිසමට ස්තුතිය පළ කරන අතරම උද්ගතව ඇති තත්ත්වය සම්බන්ධයෙන් නම්‍යශීලී පිළිවෙතක් අනුගමනය කරනු ඇතැයි කොමිසමෙන් අපේක්ෂා කරන්නේ යැයි ද ගජනායක මහතා සඳහන් කළේය.


දේශපාලන පක්ෂ හා නිරීක්ෂණ සංවිධානවල අදහස් හා යෝජනා සම්පිණ්ඩනය කර චක්‍රලේඛ හරහා මැතිවරණ ප්‍රචාරණයට අවස්ථාව දෙන්නට මැතිවරණ කොමසාරිස්වරුන් මෙතෙක් කටයුතු කළේ යැයි ද මැතිවරණ පනත සංශෝධනයේ අවශ්‍යතාව මෙමගින් හොඳින්ම පැහැදිලි වන්නේ යැයි ද ගජනායක මහතා වැඩිදුරටත් සඳහන් කළේය. 

 



අදහස් (4)

නම ලකුණ කාර්යාලයේ ප්‍රදර්ශනයට කොමිසමෙන් අවසර ඉල්ලයි

කමල් Wednesday, 08 July 2020 08:55 AM

දේශපාලකයෝම හදාගත්ත නීතිය නේ. උවමනා නම් ඒ අයම වෙනස් කර ගන්න එකනේ තියෙන්නේ. මැතිවරණ කොමිසමේ සාමාජිකයින් මොනවා කරන්නද?

:       9       6

Dayan Wednesday, 08 July 2020 09:02 AM

එම අපේක්ෂකයින්ගෙන් වැඩි දෙනෙක් පසුගිය පාර්ලිමේන්තුවේ මන්ත්‍රීවරුන් ලෙස සිටියහ. ඔවුන් මැතිවරණ නීති පිළිබඳ ගැටළුවක් නම් ඔවුන් දැන සිටිය යුතුව තිබූ අතර එය නිවැරදි කිරීමට පියවර ගනු ඇත. කොමසාරිස්වරුන්ට දොස් පැවරීම යුක්ති සහගත ය. නීතියක් ඇති විට ඔවුන්ට එරෙහිව යාමට අයිතියක් නැත. නීතියේ අඩුපාඩු දකින මේ සියලු දෙනා අනෙක් සෑම අවස්ථාවකම මෙන් නිදා සිටියහ.

:       0       4

සමිත සේනක අලුත්ගමගේ. Wednesday, 08 July 2020 09:23 AM

යම් අපේක්ෂකයෙකු ඡන්දය ඉල්ලන්නේ නම් ඔහුගේ නම සහ ලකුණ ඔහුගේ කාර්යාලයේ ප්‍රදර්ශනය කිරීමට මැතිවණ කොමිෂම අවසර නොදුන්නේ මන්ද?... මානුෂික හේතුන් උඩ හෝ මේ අවශ්‍යතා ඔවුන්ට ලබාදිය යුතුව තිබුණි. අපේක්ෂකයෙක් ඡන්දය ඉල්ලන්නේ නම්, ඔහුගේ නම හා ලකුණ තම කාර්යාලයේ ප්‍රදර්ශනය කිරීමේදී ඇතිවන වරද කුමක්ද? මේ සාමාන්‍ය දේත් මැතිවරණ කොමිසමට අමුතුවෙන් උගන්නන්න ඕනෙද ... ? පුදුම තීන්දු සහ තීරණ ....

:       0       0

siri Wednesday, 08 July 2020 10:22 AM

කවුරු මොනවා ප්‍රදර්ශනය කළත් අන්තිම ප්‍රතිඵලය වෙන්නේ " පොදු ජන පෙරමුණට 147 යි, සජිත් පාර්ශවයට 37 යි, රනිල් පාර්ශවයට 20 යි, ජවිපෙට 4, ටී.එන්.ඒ එකට 12යි.., ඉතුරුවා අනෙක් කුඩා කණ්ඩායම්වලට කියලයි සමීක්ෂණ වාර්තාවල නම් දක්වන්නේ" කියලා අන්තර්ජාලයේ ලියලා තියෙනවා ඔන්න... අගමැතිතුමාත් දැන් දැන් "යම් හෙයකින් ජනතාවගේ ඡන්දෙයන් පාර්ලිමේන්තුව තුළ තුනෙන් දෙකක බහුතර බලයක් නිර්මාණය කරගත නොහැකි වුවහොත් පාර්ලිමේන්තුව සැලුන් දොරක් බවට පත්වන බව" කියනවලු. ඒ කියන්නේ ඒ කතාවේ තේරුම " ඡන්දෙන් තුනෙන් දෙක ලැබුනේ නැත්තන් සල්ලි විසිකරලා හරි හදාගන්න වෙනවා" කියලයි සමහරු කියන්නේ? මාර වැඩේ ලංකාවට වුනේ...

:       0       0

ඔබේ අදහස් එවන්න

දියත

එජාප මැයි රැලිය මරදානේදී
2024 අප්‍රේල් මස 23 2 0

එක්සත් ජාතික පක්ෂයේ මැයි දිනය උළෙල සම්බන්ධයෙන් ප්‍රාදේශීය මට්ටමින් සංවිධාන කටයුතු ඇරැඹූ බව එක්සත් ජාතික පක්ෂය කියයි.


හොර ලයිසන් ස්ටිකර් හැදූ 2ක් මාට්ටු
2024 අප්‍රේල් මස 23 62 0

මෝටර් රථ දෙපාර්තමේන්තුවේ ව්‍යාජ මුද්‍රා සහ තාවකලික රියදුරු බලපත්වලට අලවන ස්ටිකර් වලට සමාන ව්‍යාජ ස්ටිකර් සහ කූට ලේඛන සමග 43 හැවිරිදි සැකකරුවෙක් සහ 22 හැ


මාර්තු උද්ධමනය පහළට
2024 අප්‍රේල් මස 23 88 0

ජාතික පාරිභෝගික මිල දර්ශකය අනුව පසුගිය මාර්තු මස මෙරට උද්ධමනය සියයට 2.5 ක් දක්වා පහළ ගොස් ඇතැයි ජනලේඛන හා සංඛ්‍යාලේඛන දෙපාර්තමේන්තුව නිවේදනය කළේය.


ඉරාන ජනපති පාකිස්තාන අගමැති හමුවෙයි
2024 අප්‍රේල් මස 23 148 0

දෙදින නිල සංචාරයක් සඳහා පාකිස්තානයට පැමිණ සිටින ඉරාන ජනාධිපති ඊබ්‍රහීම් රයිසි සහ පාකිස්තාන අග්‍රාමාත්‍ය ෂෙහ්බාස් ෂරීෆ් අතරේ හමුවක් ඉස්ලාමාබාද් අගන


මැලේසියාවේ හෙලිකොප්ටර් දෙකක් හැපී 10ක් මරුට
2024 අප්‍රේල් මස 23 325 0

මැලේසියානු රාජකීය නාවික හමුදාවේ පෙළපාලියකට පුහුණු වෙමින් සිටියදී හෙලිකොප්ටර් යානා දෙකක් ඉහළ අහසේදී එකිනෙක ගැටීමෙන් සිදුවූ අනතුරක් හේතුවෙන් එහි සිට


රොෂාන් රණසිංහත් ජනපති සටනට
2024 අප්‍රේල් මස 23 1026 0

හිටපු ක්‍රීඩා අමාත්‍ය රොෂාන් රණසිංහ මහතා මීළඟ ජනාධිපතිවරණයේදී අපේක්ෂකයකු ලෙස ඉදිරිපත් කරන බව ජාතික ප්‍රජාතන්ත්‍රවාදී පෙරමුණේ නායක රුෂාන් මලින්ද මහ


මේවාටත් කැමතිවනු ඇති

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 268 0
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers 2024 මාර්තු මස 14 1617 0
ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers

ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්‍රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම

හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ 2024 පෙබරවාරි මස 19 1506 2
හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ

ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්

Our Group Site