(නවරත්න සමරතුංග)
ඔකඳ ජාතික වනෝද්යානයේ මාර්ග සංවර්ධන කටයුතු වල නිරතව සිටි කම්කරුවෙකු අද (18) දිවියෙකු විසින් ඩැහැගෙන ගොස් ඇති අතර බරපතල තුවාල ලැබූ තවත් කම්කරුවෙකු රෝහල් ගත කර ඇති බව පානම පොලිසිය පවසයි.
පස්දෙනෙකුගෙන් සමන්විත කම්කරුවන් පිරිසක් ට්රැක්ටරයකින් බොරළු පස් ප්රවාහනය කර ඇති අතර දිවා ආහාරය ගැනීමෙන් පසුව ඔවුන් තුරු සෙවන සහිත ස්ථානයක ගිමන් හරිමින් සිටියදී දිවියෙකු කඩාපැන එක් අයෙක් ඩැහැගෙන ගොස් ඇති බව කියති.
එවිට දිවියාගේ ප්රහාරයට ලක්වූ අනෙක් කම්කරුවා දිවා ගලවාගෙන ඇත.
ඔකඳ ජාතික වනෝද්යානය භාර නිලධාරියෙකු පැවසුවේ මේ දින වල එහි අභ්යන්තර මාර්ග සංවර්ධනය කිරීම සඳහා කොන්ත්රාත්කරුවන් කටයුතු කරමින් සිටින අතරතුර මෙම අනතුර සිදුවී ඇති බවයි.
දිවි ගලවාගත් පුද්ගලයා පොතුවිල මූලික රෝහලට ඇතුල් කිරීමෙන් පසුව වැඩිදුර ප්රතිකාර සඳහා අක්කරපත්තුව රෝහලට මාරුකර යවා ඇත.
(ඡායාරූපය - අජිත්ලාල් ශාන්ත උදය)
COMMENTS
වනෝද්යාන තුළ වැඩ කරන කම්කරුවන්ගේ ආරක්ෂාව සඳහා ඔවුන්ට ගිනි අවි සැපයිය යුතුයි.
මේක නම් සැක සහිතියි දිවිය කවදාවත් මිනිස්සු සමුහයකට පහරදෙන්නේ නෑ
මෙතන වෙන මොකක් හරි සිද්ධියක් වෙලා තියෙනවා. මිනිස්සු පස් දෙනෙක් ඉන්න තැනකට කඩාපනින්න තරම් දිවියෙක් අවදානමක් ගන්නේ නෑ. දිවියා කියන්නේ බල්ලෙක්ට වඩා ටිකක් ලොකු සතෙක්. පස්දෙනා එකතුවෙලා පයින් පාර ගානේ ගැහුවනම් දිවියා දුවනවා. අනික එක්කෙනෙක් ඩැහැගෙන යනකම් අනිත් තුන්දෙනා මොනවද කලේ?
ඕක සොයාගන්න එක මට සුළු දෙයක්... ප්රශ්නයකට තියෙන්නේ පාතාලකාරයින්...
දිවියා ජීවත්වන කැලෑව කපන්න ගියාද?
කැලේ සතුන්ට ආහාර අහේනියක් ඇති....
කුමනට වඩා ලාහුගල බලන්න යන්න... ලස්සනයි.