(ඩයනා උදයංගනී) 

ප්‍රවීන මාධ්‍යවේදියෙකු වූ දයා අබේසේකර මහතා අද (29) අභාවප්‍රාප්ත විය.ඒ මහතා මාධ්‍ය තුල මෙන්ම රංගන ශිල්පියකු ලෙසද කටයුතු කළේය.

සැඩ සුළං චිත්‍රපටයේ ප්‍රේම්ජයන්තගේ ළමා කාලය නිරුපණය කළ දයා අබේසේකර මහතා , ප්‍රවීන නර්තන ශිල්පිනි පද්මිණි දහනායක සමඟ මෙම චිත්‍රපටයේ ජීවන මේ ගමන සංසාරයේ ගීතයට රංගනයෙන් දායක විය.

ස්වාධීන රුපවාහිනි සේවයේ 'Rupees and Sense' වැඩසටහන මෙහෙයවූ ඒ මහතා ප්‍රවීන ගී පද රචක කරුණාරත්න අබේසේකරගේ සහෝදරයා වන අතර

ඔහු මිය යන විට  80 වන වියේ පසුවිය.  

දේහය හෙට (30) සවස 7 සිට බොරැල්ල ජයරත්න මල් ශාලාවේ තැන්පත් කර තබන අතර අවසන් කටයුතු 31 වැනි ඉරිදා සවස 4.30ට බොරැල්ල සුසාන භූමියේදී සිදු කිරීමට නියමිතය.