(ඩයනා උදයංගනී)

         

දෙමළ ජාතික සන්ධානය ඉදිරිපත් කර ඇති යෝජනා සඳහා රටේ ව්‍යවස්ථාවට ගරු කරන කිසිවෙකුටත් එකඟ විය නොහැකි බැවින් කිසිඳු ජනාධිපති අපේක්‍ෂකයකුට එය පිළිගත නොහැකි බව එක්සත් ජනතා නිදහස් සන්ධාන පාර්ලිමේන්තු මන්ත‍්‍රී තිලංග සුමතිපාල මහතා පැවසීය.

ශ්‍රී ලංකා පොදුජන පෙරමුණේ ජනාධිපතිවරණ අපේක්‍ෂක ගෝඨාභය රාජපක්‍ෂ මහතා එම යෝජනා ප‍්‍රතික්ෂේප කර ඇති නමුත් සජිත් ප්‍රේමදාස මහතා ඒ සම්බන්ධයෙන් කිසිඳු අදහසක් දක්වා නැතැයිද තිලංග සුමතිපාල සඳහන් කළේය.

යළිත් ජාතිවාදය අවුස්සා ඉදිරි මහ මැතිවරණයක දී වාසි ලබා ගැනීමත්, ගෝඨාභය රාජපක්‍ෂ මහතා පරාජය කිරීමත් දෙමළ ජාතික සන්ධානයේ අරමුණ වී ඇතැයි කී තිලංග සුමතිපාල මහතා මෙවර උතුරේ ජනතාව ඔවුන්ට නොරැවටෙනු ඇතැයි තමන් විශ්වාස කරන බව ද කීවේය.

සුමතිපාල මහතා මේ බව පැවසුවේ පුංචි බොරැල්ලේ පිහිටි පරිවර්තන කේන්ද්‍රයේ දී අද (18) පැවති මාධ්‍ය හමුවක් අමතමිනි.